00:00:00 IGIHE NETWORK KN KINYARWANDA EN ENGLISH FR FRANCAIS

Ricky Password yasubukuye umuziki nyuma y’imyaka irindwi

Yanditswe na Uwiduhaye Theos
Kuya 21 June 2022 saa 01:36
Yasuwe :

Rwigema Eric wamenyekanye nka Ricky Password yagarutse mu muziki nyuma y’imyaka isaga irindwi awushyize ku ruhande akajya mu bindi.

Ricky Password yamenyekanye mu bihangano bitandukanye mu myaka irenga icumi ishize birimo aho yaririmbye indirimbo yakunzwe yitwa ‘Wikozeho’ iyi yayihuriyemo na Bulldogg. Icyo gihe yaririmbaga iziganjemo iziri mu Njyana ya Rock.

Mu 2014 yagiye mu Bufaransa aho yavuye akagaruka gusoza amashuri nk’uko yabibwiye IGIHE. Nyuma yo kuyasoza ngo yafashe umwanzuro wo kuba aretse umuziki akabanza gushaka amafaranga kuko yabonaga abikeneye ari na yo mpamvu yamaze igihe kinini adakora indirimbo.

Ati “Nyuma yo gutsindira igihembo cya ‘Laureat Visa Pour La Creation’ mu 2014 cyategurwaga na Institut Français du Rwanda, nkajya mu Bufaransa mvuyeyo nahisemo kubanza nkarangiza amashuri yanjye nari narahagaritse kubera umuziki. Nyuma yaho mbona akazi muri banki aho nabwo numvaga nabanza nkamera neza mu buryo bw’amafaranga.”

Guhera mu 2015 ubwo yasubikaga umuziki avuga ko abakundaga ibihangano bye batahwemye kumwereka ko bamukeneye mu kibuga cya muzika, akabasubiza ko azagaruka.

Ricky Password yemera ko yakoraga umuziki mu buryo butari ubwa kinyamwuga ari na cyo kintu agiye gukosora muri iki gihe kuko ateganya ibikorwa byinshi byo ku rwego rwo hejuru, by’indirimbo ndetse n’amashusho yazo meza.

Mu 2010 ubwo uyu muhanzi yari umwe mu bakora umuziki, avuga ko byari ibihe bigoye ugereranyije n’ubu kubera ko kuri iki igihe internet yaje bityo ko nta muhanzi w’umunyempano ugifukiranwa cyane ko abafana bamenye kwishakira ibyiza.

Ricky Password ku ikubitiro yahise ashyira hanze indirimbo yise “Pretend” yahuriyemo na Gabiro. Ni indirimbo ivuga ku musore wakundaga umukobwa ariko agakomeza kumufata nk’inshuti ye isanzwe.

Avuga ko yatekereje kuyikorana na Gabiro kubera ko ari mu bahanzi bakoze umuziki kera na n’ubu akaba ahagaze neza.

Reba ‘Wikozeho’ imwe mu ndirimbo za Ricky Password zakanyujijeho:

Indirimbo uyu muhanzi aheruka gukorana na Gabiro

Ricky Password ni umwe mu bahanzi bakanyujijeho bagahagarika umuziki
Aha ni mu 2014 ubwo Ricky Password yajyaga kuririmba mu Bufaransa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .