00:00:00 IGIHE NETWORK KN KINYARWANDA EN ENGLISH FR FRANCAIS

Ric Hassani yasuye Urwibutso rwa Jenoside, ashima umutima ukomeye w’Abanyarwanda

Yanditswe na Nsengiyumva Emmy
Kuya 30 Ugushyingo 2021 saa 04:31
Yasuwe :

Akiva mu kato ka Covid-19, umuhanzi Ric Hassani kuri uyu wa 30 Ugushyingo 2021 yahise ajya gusura Urwibutso rwa Jenoside yakorewe Abatutsi rwa Gisozi.

Ubwo yari amaze gutemberezwa Urwibutso rwa Jenoside yakorewe Abatutsi rwa Kigal, Ric Hassani yavuze ko ahigiye amasomo menshi arimo ko Abanyarwanda bafite umutima ukomeye kuba nyuma y’ibyabaye barabashije kubabarirana.

Ati "Isomo rinini kuri njye ni ukubabarira, ibyo mbonye byabaye ni ibintu biremereye. Ni gute wababarira nyuma y’ibyabaye ? bigusaba kugira umutima ukomeye."

Ric Hassani yahishuye ko nyuma yo kubona ibyabaye mu Rwanda, agasobanurirwa uburyo abantu bababariranye bagakomeza gukora bashaka icyateza igihugu imbere, ari igisobanuro cyiza cy’uko u Rwanda ari umutima wa Afurika.

Ati "Noneho nsobanukiwe impamvu u Rwanda ari umutima wa Afurika, byasabye imitima ikomeye kugira ngo abantu bababarirane, hanyuma bagafatanya kubaka Igihugu, byasabye umutima ukomeye."

Uyu muhanzi wageze mu Rwanda kuwa 29 Ugushyingo, ategerejwe mu gitaramo ‘Fantasy music concert’ azahuriramo na Symphony Band, Mike Kayihura na Nel Ngabo.

Ni igitaramo kizaba tariki 4 Ukuboza 2021. Kwinjira bizaba ari ibihumbi 15 Frw mu myanya isanzwe, ibihumbi 25 Frw mu gihe abakundana bazitabira iki gitaramo bazishyura ibihumbi 45Frw, ameza y’abantu batandatu akagura ibihumbi 200Frw.

Ubwo Ric Hassani yakirwaga kuri Hotel acumbitsemo
Ubwo Ric Hassani yari asohotse muri Hotel yahawe ikaze n'inkumi zari zamushyiriye indabyo
Ric Hassani yakiriwe na Symphony Band yanamutumiye
Ubwo bari bahagurutse kuri Hotel berekeza ku rwibutso rwa Jenoside yakorewe Abatutsi rwa Gisozi
Ric Hassani ubwo yari ageze ku rwibutso rwa Jenoside yakorewe Abatutsi ku Gisozi
Ric Hassani yunamiye inzirakarengane zishyinguye mu rwibutso rwa Jenoside yakorewe Abatutsi rwa Kigali
Ric Hassani yari kumwe n'abagize Symphony Band bunamiye inzirakarengane zisaga ibihumbi 250 zishyinguye mu rwibutso rwa Jenoside rwa Kigali
Akimara gusobanurirwa amateka ya Jenoside yakorewe Abatutsi, Ric Hassani yagize ikiniga
Ric Hassani yasize ubutumwa mu gitabo cy'abashyitsi ku rwibutso rwa Jenoside yakorewe Abatutsi rwa Kigali
Ric Hassani n'itsinda ry'abo bari kumwe bafatanye ifoto y'urwibutso

Amafoto: Igirubuntu Darcy


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .