Iri serukiramuco ritegurwa na Christian Communication, ryatangirijwe mu i Kigali ku wa 4 Ugushyingo 2018.

Ni igitaramo cyitabiriwe n’ab’ingeri zitandukanye barimo abakirisitu bo mu madini atandukanye n’abahanzi benshi.

Intego yacyo ni ukugaragaza abanyempano bashya no gusaba abazifite kugira imbuto zituma zaguka zikungukira benshi.

Ibihumbi by’abacyitabiriye banyuzwe n’ubutumwa bukubiye mu bihangano byatambukijwe n’abarimo Sam Rwibasira, Jado Sinza, Bosco Nshuti, Papi Clever, Dominic Ashimwe, Simon Kabera, Liliane Kabaganza. Biyongereyeho amatsinda arimo Rehoboth Ministries, Healing Worship Team na Injiri Bora.

Umuhanzi Precious yakuriwe ingofero

Nsabimana Gisèle Precious wo muri ADEPR ni umwe mu baririmbye muri iki gitaramo. Yahawe amahirwe ndetse aramusekera ayabyaza umusaruro. Si izina rizwi cyane ariko mu bikorwa rirakomeye.

Yanyuze abitabiriye igitaramo mu ndirimbo zirimo ‘Umukozi w’Umuhanga’ n’indi yasubiyemo y’Umunya-Nigeria, Mercy Chinwo yitwa Excess Love iri mu zikunzwe cyane.

Uyu mukobwa unicurangira gitari yasozaga buri ndirimbo ahabwa amashyi y’urufaya, nk’ikimenyetso cyo kunyurwa kudacagase.

Nsabimana Precious yatangiye kuririmba akiri umwana. Urugendo rw’ubuhanzi ku giti cye yarutangiye mu 2017. Afite indirimbo zirimo iyitwa “Urampagije”, “Inzira zayo” n’izindi.

Mu magambo ye yavuze ko “Nejejwe no guhagarara imbere y’abanyacyubahiro nkamwe. Imana ni umukozi w’umuhanga!”

Nzahoyankuye Peace Nicodème ukuriye Rabagirana Worship Festival yavuze ko iri serukiramuco rizajya riba buri mwaka.

Yagize ati “Mwabonye n’ubuhanga bw’abahanzi batandukanye, hari impano wabonye utari uzi. Rero turashima Imana ku buryo igitaramo cyagenze.”

Pasiteri Christophe Sebigabo uyobora Itorero rya Calvary Temple wigishije ijambo ry’Imana yibukije imbuto z’umwuka abakirisitu bakwiye kwera.

Abahanzi n’abandi banyempano babwiwe ko gukoresha impano zidafite imbuto z’umwuka bitazabakingurira amarembo y’ijuru.

Reba Precious aririmba muri Rabagirana Worship Festival

Papi Clever yakoresheje indirimbo ziganjemo izo mu Gitabo yasubiyemo

Abahanzi bose bitabiriye igitaramo bakata umutsima nk'ikimenyetso cyo gutangiza iserukiramuco Rabagirana Worship Festival

Ashimwe Dominic yagaragaje ubuhanga muri iki gitaramo yongeye kwerekwa urukundo

Dominic Ashimwe yaririmbye indirimbo ze zakunzwe cyane zirimo 'Nemerewe kwinjira'

Habiyaremye Emmanuel amaze kumenyekana cyane mu bitaramo bibera i Kigali

Hateguwe umutsima wakaswe mu gutangiza Rabagirana Worship Festival

Healing Worship Team iri mu matsinda yo kuramya no guhimbaza Imana akunzwe cyane

Ibihangano bya Simon Kabera byahembuye abitabiriye igitaramo

Icyumba cya Serena Hotel cyabereyemo igitaramo cyari hafi kuzura

Indirimbo za Simon Kabera zizwi bamufashije kuziririmba

Itsinda rifasha umuramyi Papi Clever kuririmba

Kabaganza Liliane yaririmbye iyitwa ‘Ejo ni heza’ benshi baranyurwa

Kadogo wo muri Healing afite ijwi ryihariye riryohera amatwi

Neema Marie Jeanne n’umugabo we Ndayambaje Aimé baryohewe bigaragara

Nzahoyankuye Peace Nicodème ukuriye Rabagirana Worship Festival yari yafashijwe

Papi Clever yifashishije indirimbo ziganjemo izo mu Gitabo

Perezida wa Korali Amahoro yo muri ADEPR Remera, Nagiriwubuntu Dionne, ni we wayoboye iki gitaramo

Rehoboth Ministries yafatanyije na Kabaganza Liliane wahoze ayiririmbamo kuramya Imana

Umuhanzi Jado Sinza yishimiwe cyane mu ndirimbo 'Nabaho'

Umuhanzi Jado Sinza yishimiwe cyane mu ndirimbo 'Nabaho'

Umuhanzi Natukunda Apophia yari yafashijwe ku buryo bugaragara

Umunyempano Nsabimana Gisèle Precious yanyuze abitabiriye iserukiramuco rya Rabagirana Worship Festival

Umuyobozi wa Ibyishimo.com,Nsengiyumva René Hubert n'umugore we Uwera Clementine bitabiriye iki gitaramo

Umuyobozi wa Power of The Cross, Ndatabaye Maurice

Umuyobozi wa Beauty For Ashes, Kavutse Olivier yari afite akanyamuneza ku maso

Amafoto: Niyonzima Moïse