00:00:00 IGIHE NETWORK KN KINYARWANDA EN ENGLISH FR FRANCAIS

Queen Cha na Kate ndabizi bakwifunga! Marina abwira Social Mula mu ndirimbo yabo nshya ‘Ndabazi’

Yanditswe na Nsengiyumva Emmy
Kuya 20 Mutarama 2021 saa 07:41
Yasuwe :
0 0

Marina yasohoye indirimbo nshya ‘Ndabazi’ yakoranye na Social Mula, yumvikanamo amagambo hagati y’umukobwa n’umusore babwirana kwirinda kugwa mu mitego y’abashobora kubifuza.

Marina mu ndirimbo nshya aba asaba Social Mula ko yamuha umwanya n’urukundo akirinda kugwa mu mutego w’abandi bakobwa bashobora kumwifuza.

Ati ”Abo bakobwa ndabazi nta n’umwe utakwifuza, Queen Cha na Kate ndabizi bakwifunga!”

Social Mula na we yakirana yombi ubu busabe, akizeza Marina ko ibyo asaba byose bihari. Na we akamusaba kwirinda abasore bashobora kumugusha mu mutego.

Ati ”Abasore ndabazi nta n’umwe utakwifuza, Junior na Kaboss ndabizi bakwifunga.”

Iyi ndirimbo ‘Ndabazi’, Marina yayikoranye na Social Mula ubwo bajyaga mu Bubiligi gukorerayo igitaramo mu mpera za 2019. Muri icyo gihugu ni naho bakoreye amashusho yayo.

Ni indirimbo bafatiye umwanya wo kuyitunganya neza ku buryo isohoka iryoheye amatwi y’abakunzi babo.

Umujyanama wa The Mane, Gahunzire Arstide, yabwiye IGIHE ko nubwo iyi ndirimbo yasohotse mu buryo bw’amajwi, mu minsi mike hazasohoka amashusho yayo.

Iyi ndirimbo Marina yayisohoye nyuma y’ukwezi kumwe gusa ashyize hanze iyo yise ‘Warokoso’ iri mu zimaze iminsi zigezweho. Ni iya kabiri Social Mula yumvikanyemo nyuma y’iyitwa “Iyo byanze” Zizou Alpacino yahumurijemo na Bruce Melodie.

Muri Gashyantare umwaka ushize ubwo Riderman, Marina na Social Mula bajyaga gukorera igitaramo mu Bubiligi nibwo iyi ndirimbo yakozwe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .