Amashusho akomeje gusakazwa ku mbuga nkoranyambaga no mu bitangazamakuru bitandukanye, agaragaza igitaramo cy’uyu muraperi cyitabiriwe n’abantu batagera mu ijana mu gihe aho yari kugikorera hakira abarenga 5700.

Kubura abantu muri iki gitaramo byamaze kugerekwa kuri Chris Brown uri gushinjwa kuba yaraguze amatike menshi bigatuma abakunzi ba Quavo babura uko bitabira.

Quavo na Chris Brown bamaze imyaka myinshi badacana uwaka bapfa umukinnyi wa filime ufite izina rikomeye muri Leta Zunze Ubumwe za Amerika witwa Karrueche Tran.

Karrueche Tran yakundanye na Chris Brown kuva mu 2011 kugeza mu 2015. Yongeye kuvugwa mu rukundo na Quavo mu 2017, nyuma baje kugaragara bari kumwe mu 2022 mu gihe kuva mu 2018-2021 Tran yavugwaga mu rukundo na Victor Cruz.

Quavo na Chris Brown bamaze iminsi bahanganye mu ndirimbo , ibyatumye benshi bemeza ko uyu muhanzi ari we wagize uruhare mu gutuma igitaramo cy’uyu muraperi kitabona abantu.

Chris Brown yakundanye igihe na Karrueche Tran mu myaka yatambutse

Mu 2017, Karrueche Tran yavuzwe mu rukundo na Quavo

Quavo na Karrueche Tran bongeye kubaka umubano mu 2022

Ahari kubera iki gitaramo hasanzwe hakira abarenga ibihumbi 5700

Igitaramo cya Quavo cyitabiriwe n'abantu mbarwa

Ubwitabire buke bw'abakunzi ba Quavo bwageretswe kuri Chris Brown bivugwa ko yaguze amatike menshi abashakaga kwitabira ntibayabone