Trackslayer mu ba mbere baciwe amande yo kutaguma mu rugo hirindwa Coronavirus

Yanditswe na Nsengiyumva Emmy
Kuya 24 Werurwe 2020 saa 03:51
Yasuwe :
0 0

Nshuti Peter wamenyekanye nka Trackslayer mu gukora indirimbo z’abahanzi mu Rwanda ari mu ba mbere baciwe amande kubera kutubahiriza gahunda yo kuguma mu rugo hirindwa Coronavirus.

Trackslayer yaciwe 50 000 Frw ndetse n’imodoka ye iba ifatiriwe mu gihe atarishyura.

Aya mande yayaciwe mu gitondo cyo kuri uyu wa Kabiri tariki 24 Werurwe 2020 ubwo yari mu modoka avuye mu rugo yerekeza kuri studio aho akorera i Nyamirambo.

Uyu musore ubwo yari ageze i Gikondo yafashwe na Polisi y’u Rwanda, yandikirwa amande y’ibihumbi 50 by’amafaranga y’u Rwanda.

Trackslayer aganira na IGIHE yagize ati “Nibyo rwose nari nishe amategeko, nta kundi.”

Trackslayer yavuze ko agiye kwishyura amande yaciwe, imodoka akaziyafata icyorezo cya coronavirus kigabanyutse. Yiyemeje kuguma mu rugo kugeza igihe hatangiwe andi mabwiriza.

Polisi y’u Rwanda yaburiye abaturage ko abatubahiriza amabwiriza yashyizweho agamije kurwanya ikwirakwira ry’icyorezo cya Coronavirus, bashobora kwisanga bahawe ibihano bishobora no kugeza ku gufungwa.

Trackslayer ni umwe mu bakora indirimbo mu buryo bw’amajwi bakomeye mu Rwanda ukorera muri Touch Record akaba yarakoze indirimbo zinyuranye zakunzwe ziganjemo izo mu njyana ya Hip Hop.

Trackslayer ari mu ba mbere baciwe amande

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .