Producer Knox Beat yasezeranye kubana akaramata n’umukunzi we (Amafoto)

Yanditswe na Uwiduhaye Theos
Kuya 5 Mata 2021 saa 04:29
Yasuwe :
0 0

Nyuma y’amezi abiri asabye umukunzi we ko bazabana akaramata, Producer Knox Beat wo muri Monster Records yarushinze.

Knox Beat witwa Joseph Habimana yarushinze nyuma y’aho tariki 25 Werurwe 2021 yari yasezeranye imbere y’amategeko n’umukunzi we Akamikazi Bernice, mu muhango wabereye mu murenge wa Murenge wa Nyakabanda ho mu mujyi wa Kigali.

Uyu musore usanzwe amenyerewe mu gutunganya indirimbo yari agaragiwe na Rocky Kimomo nka Parrain nk’uko byanagenze ubwo yajyaga gusezerana mu murenge.

Muri Mutarama 2021 nibwo Knoxbeat yambitse impeta umukunzi we amusaba kumubera umugore. Ibirori byo gusaba no gukwa byabereye ku Ruyenzi naho gusezerana kubana akaramata bibera Sunday Park ku Kacyiru, kuri iki Cyumweru tariki 4 Mata 2021.

Yabwiye IGIHE ko ari indi ntambwe yateye mu buzima. Ati “Nishimiye indi ntambwe yo kurushinga nateye. Ni ibintu bikomeye ariko biba bikenewe mu buzima bwa buri munsi. Ikindi kugira umuntu ugisha inama, akakuba hafi bya buri munsi biba bikenewe cyane. Ni ibyishimo.”

Knox Beat ni umwe mu ba Producers bafite izina mu muziki w’u Rwanda. Yakoze nyinshi mu ndirimbo zamenyekanye by’umwihariko izisohoka muri Monster Record ya Dj Zizou.

Yakoze indirimbo zirimo ‘Ngirente’ ya Amalon, ‘Ibanga’ ya Zizou na Christopher Muneza, ‘Ngufite ku mutima’ ya Bushali na The Ben, ‘Isoni’ ya Maitre Dodian na Khalfan Govinda ‘Ma vie’ ya Social Mula, ‘Iyo Byanze’ ya Social Mula na Bruce Melodie, ‘Karibu Nyumbani’ ya Zizou Al Pacino na All Stars n’izindi nyinshi.

Byari ibyishimo mu mihango yo gukwa umukuzi we
Knox Beat yambika impeta umukunzi we
Knox Beat yambika ingofero sebukwe
Knox Beat mu mwambaro wa kinyarwanda ubwo yajyaga gusaba
M Izzo na Rocky Kirabiranya bari mu bari bagaragiye Knox
Rocky niwe Parrain wa Knox Beat wamaze kurushinga n umukunzi we
Umugore wa Knox Beat yasazwe n'ibyishimo ararira mu muhango wo gukwa
Knox Beat n'umukunzi we mu igare nyuma yo gusezerana
Nyuma yo gusezerana bariye umunyenga ku igare
Abageni bari baberewe
Knox Beat n'umufasha we bari babukereye ku munsi w'akataraboneka mu buzima bwabo
Abari bagaragiye abageni
Aho basezeraniye hari hari abantu bake cyane
Knox Beat yateye indi ntambwe mu buzima yo kurushinga
Knox Beat n'umufasha basezeranye nyuma y'igihe bakundana. Hashize amezi abiri bemeranyije kubana

Zimwe mu ndirimbo Knox Beat yakoze


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .