00:00:00 IGIHE NETWORK KN KINYARWANDA EN ENGLISH FR FRANCAIS

Platini yasoje urugendo yakoreyemo ibitaramo bitanu muri Amerika

Yanditswe na Nsengiyumva Emmy
Kuya 7 Ukuboza 2022 saa 04:42
Yasuwe :

Nemeye Platini akubutse muri Leta Zunze Ubumwe za Amerika aho avuye akoreye ibitaramo bitanu byasusurukije Abanyarwanda batuye muri Leta zitandukanye.

Mu ijoro ryo kuri uyu wa 6 Ukuboza 2022 nibwo Platini yageze mu Mujyi wa Kigali nyuma y’amezi abiri amaze muri Leta Zunze Ubumwe za Amerika, mu bitaramo bitandukanye.

Avuye mu bitaramo yakoreye mu mujyi wa Portland muri Leta ya Maine, mu mujyi wa Phoenix uherereye muri Leta ya Arizona, i Louisville muri Leta ya Kentucky, i Dallas muri Texas ndetse na Grand Rapids muri Leta ya Michigan.

Ibi bitaramo uko ari bitanu, Platini yabikoze mu gihe cy’amezi abiri yari amaze muri Leta Zunze Ubumwe za Amerika, aho yerekeje mu ntangiriro z’Ukwakira 2022.

Mu kiganiro yagiranye na IGIHE akigera i Kigali, Platini yishimiye uko urugendo rwe rwagenze, ahamya ko byari ibyishimo kuri we kubona abantu bamwakira neza mu bitaramo bitandukanye.

Ati "Naherukaga muri Amerika ntaratangira kwiririmbana, icyo gihe ntanubwo twakoze ibitaramo byinshi. Kuri iyi nshuro nibaza ko ari ibintu byagenze neza kuko bwari ubwa mbere ntaramiye abantu ba hariya. Ni ukuri nanyuzwe n’uko banyakiriye."

Platini wageze i Kigali, yavuze ko ubu agiye kuruhukaho gato ubundi agakomeza imirimo irimo isanzwe ya muzika.

Kimwe mu bikorwa by’uyu muhanzi byitezwe ku isoko rya muzika ni EP yise ‘Baba’ amaze igihe yamamaza.

Platini yageze i Kigali akubutse muri Amerika aho yakoreye ibitaramo bitanu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .