Ni EP igizwe n’indirimbo eshanu, uyu muhanzi yamurikiye ahitwa Century Park i Nyarutarama ahari hakoraniye abantu batandukanye biganjemo ab’amazina akomeye mu muziki w’u Rwanda.

Mu bageze ahabereye ibi birori harimo; Isimbi Alliance wamenyekanye cyane muri sinema y’u Rwanda, Tom Close, Muyoboke Alex, Teta Sandra, Igor Mabano, Bruce Melodie n’abandi batandukanye.

Ni ibirori byayobowe n’abanyamakuru Lucky Nzeyimana ndetse na Muyango Claudine bafatanyaga na Phil Peter wavangaga imiziki.

Nyuma y’uko abantu bamaze kuhagera, hagiye hahamagarwa umwe mu nshuti za Platini akavuga izina ry’indirimbo iri kuri iyi EP bakayicuranga hanyuma we aza kuririmbaho imwe muri zo.

Byari ibyishimo kuri Platini wari uteguye igitaramo cye cya mbere kuva yatangira umuziki ndetse akabona abacyitabira bari biganjemo inshuti ze.

Mu ijambo rye Platini yibanze cyane ku gushimira buri wese wari witabiriye iki gitaramo, ahamya ko ari iby’agaciro kuba bitabiriye ubutumire bwe.

Zimwe mu ndirimbo ziri kuri iyi EP ni ‘Mbega byiza’ yatunganyijwe na Producer Element isozwa na Bob Pro, ‘Slay Mama’ yatunganyijwe na Davydenko, ‘Baba’ yakozweho n’aba-producer batatu barimo Youngthril, Devydenko na Herbert Skillz.

Platini P na Eddy Kenzo bakoranye indirimbo bise ‘Toroma’ yanditswe n’aba bahanzi bombi ndetse na Prince Kiiz watunganyije amajwi yayo.

Platini na Rémy Adan bakoranye indirimbo bise ‘Selfie’, aho amajwi yayo yatunganyijwe na Ayoo Rush asozwa na Bob Pro.

Tom Close ageze Century Park ahabereye ibi birori

Muyoboke Alex ageze Century Park i Nyarutarama

Tom Close na Muyoboke Alex bigeze gukorana bari bongeye guhurira mu birori bya Platini

Muyango Claudine ni we wayoboye ibirori bya Platini

Lucky Nzeyimana yafatanyije na Muyango kuyobora ibi birori

Lucky Nzeyimana na Muyango Claudine bafatanye ifoto

Umuhanzi Ben Adolphe n'umukunzi we ni uku bahingutse ahabereye ibirori bya Platini

Igor Mabano yari yitabiriye ibirori bya Platini

Nubwo bahageze batinze, abafana ba Platini bageraga ahabereye ibi birori bakizihirwa

Teta Sandra n'inshuti ye Xinda bari baserukanye muri ibi birori

Coach Gael usanzwe ufasha Bruce Melodie afata ifoto ahabereye ibirori byo gusogongeza abantu kuri EP ya Platini

Mu myambaro y'umweru niko Platini yaserutse

DJ Phil Peter ni we wavanga imiziki

Abafana bari bizihiwe n'ibi birori

Icyo kunywa cyari gihari ku bwinshi buri wese asoma iryo ashoboye

Urwenya rwa Muyango na Lucky Nzeyimana banyuzagamo bagasetsa abitabiriye ibi birori rwafashije abatari bake

Lucky Nzeyimana na Muyango bayoboye ibirori bya Platini

Iyo umugore agusigiye isakoshi ngo umufashe hakajyamo umuziki ushaka kubyina...

Platini ni uku yahingutse ku rubyiniro

Mu ijambo rye, Platini yibanze ku gushimira abitabiriye ibi birori

Platini yibukije abitabiriye ibi birori ko agikeneye imbaraga zabo

Urukweto Platini yaserukanye muri ibi birori

Ben Adolphe ni umwe mu nshuti za Platini zasomye indirimbo iri kuri EP bahise bumvisha abantu

Ku rundi ruhande bari bategereje kumva EP ya Platini

Muyoboke Alex nawe yasabwe gusoma izina ry'indirimbo iri kuri EP bacurangira abakunzi b'uyu muhanzi

Isimbi Alliance usanzwe ukorana na Platini muri One Percent International yari yatumiwe muri ibi birori

Igor Mabano ubana na Platini muri KINA Music ni umwe mu bari batumiwe muri ibi birori

Davydenko wakoze zimwe mu ndirimbo ziri kuri iyi EP nawe yari yatumiwe

Platini yanyujijemo aririmbira abari bakoraniye muri ibi birori

Ubwo yari ku rubyiniro, Isimbi Alliance yamuhaye amafaranga

Iza bitanu gusa, nizo note Isimbi yahaye Platini

Platini yishimiye urukundo yeretswe na Isimbi

Isimbi alliance yari yishimiye Platini bigaragara

Amafoto: Habyarimana Raoul