Platini yasezeranye imbere y’amategeko

Yanditswe na Nsengiyumva Emmy
Kuya 6 Werurwe 2021 saa 03:00
Yasuwe :
0 0

Nemeye Platini yasezeranye imbere y’amategeko na Ingabire Olivia umukunzi we bitegura kurushinga.

Gusezerana k’uyu muhanzi byabaye mu ibanga kuri uyu wa Gatandatu tariki 6 Werurwe 2021 mu Murenge wa Remera.

Mu kiganiro na IGIHE, Platini yavuze ko bahisemo kugira ibanga ubukwe bwabo nk’amahitamo ye ku giti cye. Ati “Ubukwe bwanjye nari nagerageje kubugira ibanga, umugore wanjye twari tumaranye imyaka igera kuri ibiri dukundana.”

Uyu muhanzi yavuze ko ari mu myiteguro y’ubukwe buteganyijwe tariki 27 Werurwe 2021.

Platini nta byinshi yigeze ashaka kuvuga kuri uyu mukobwa bagiye kurushinga, icyakora yavuze ko atari umuntu uba mu ruganda rw’imyidagaduro.

Nyuma yo gutandukana na Ingabire Diane bakundanye imyaka ine, bagashyira akadomo ku rugendo rwabo mu 2017, ntabwo Platini yongeye kugaragaza umukunzi we.

Byari ibyishimo nyuma y'uko Platini asezeranye imbere y'amategeko n'umukunzi we
Ishimwe Clement yambariye Nemeye Platini
Platini yasezeranye na Olivia bamaranye imyaka ibiri
Nyuma y'umwaka atangiye kuririmba ku giti cye, Platini ahise anarushinga

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .