00:00:00 IGIHE NETWORK KN KINYARWANDA EN ENGLISH FR FRANCAIS

Platini yahuye n’Umuyobozi wa Interpol muri Nigeria

Yanditswe na Nsengiyumva Emmy
Kuya 13 Ukwakira 2021 saa 12:33
Yasuwe :
0 0

Nemeye Platini umaze iminsi mu gihugu cya Nigeria aho ari kumenyekanisha ibihangano bye, yahuye n’umuyobozi wa Interpol muri iki gihugu AIG. Garba Umar, Umuyobozi wungirije wa Interpol muri Nigeria.

Nemeye Platini umaze iminsi muri Nigeria aho ari kumenyekanisha ibihangano bye, yahuye n’Umuyobozi wungirije wa Interpol muri iki gihugu, AIG. Garba Umar.

Uyu muhanzi yabwiye IGIHE ko nk’umuntu uri mu mahanga, aba akwiye kuba afite umutekano wizewe.

Ati “Ndi hano nk’umuhanzi w’umunyamahanga, ndamutse ngize ikibazo icyo aricyo cyose nafashwa na Interpol, ni muri urwo rwego nahuye n’umuyobozi wayo muri Nigeria bampa umudali uranga umunyamahanga uri muri iki gihugu mu buryo buzwi.”

Uretse kwizezwa umutekano, Platini yavuze ko yanabashije kwigirayo ibijyanye n’uburyo bwo kurinda ibihangano by’umuhanzi kuko Interpol ariyo iba ibishinzwe muri Nigeria.

Platini yahuriye n’uyu muyobozi i Abuja, nyuma y’iminsi itanu yari amaze i Lagos.

Uretse guhura n’uyu muyobozi, Platini amaze iminsi agirira ibiganiro kuri radio z’i Abuja nka Reypower Frw, Wazobia FM na Kiss FM Abuja.

I Lagos Platini yasuye icyicaro cya AFRIMA banagirana ibiganiro biganisha ko azaririmba mu muhango wo gutanga ibi bihembo.

Platini asigaye abarizwa muri ‘One Percent International’, Sosiyete ireberera inyungu z’ibikorwa bye.

Umuyobozi wungirije wa Interpol muri Nigeria, AIG. Garba Umar, yagiranye ibiganiro na Platini
Platini yahawe umudali umuranga nk'umunyamahanga uri muri Nigeria mu buryo buzwi na Interpol
Uyu niwo mudali Platini yahawe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .