Patoranking na Didier Drogba basuye Urwibutso rwa Jenoside ku Gisozi (Amafoto)

Yanditswe na Nsengiyumva Emmy
Kuya 10 Ukwakira 2019 saa 07:41
Yasuwe :
0 0

Didier Drogba na Patoranking ni bamwe mu byamamare bari kubarizwa i Kigali aho bitabiriye inama ya Youth Connekt. Kuri uyu wa Kane tariki 10 Ukwakira 2019 bombi basuye Urwibutso rwa Jenoside yakorewe Abatutsi rwa Kigali, ku Gisozi.

Ku gicamunsi cyo kuri uyu wa Kane tariki 10 Ukwakira 2019 nibwo Drogba na Patoranking basuye Urwibutso rwa Jenoside yakorewe Abatutsi ku Gisozi.

Nyuma yo kuzenguruka ibice bigize Urwibutso rwa Jenoside yakorewe Abatutsi bakanunamira inzirikarengane zihashyinguwe, aba bombi bashyize ubutumwa mu gitabo cy’abashyitsi.

Ubutumwa Patoranking yanditse mu gitabo cy’abashyitsi bugaragaza ko ibi byamamare byakozwe ku mutima n’ibyo babonye.

Patoranking yagize ati ”Ni agahinda kenshi, ibi binsigaye ku mutima. Ni amarira menshi imbere n’inyuma. Ushimwe Mana kuko twabonye urukundo. Urukundo ruba hano, u Rwanda ni urukundo.”

Mu kiganiro yagejeje ku bitabiriye inama ya Youth Connekt kuri uyu wa Kane tariki 10 Ukwakira 2019, Didier Yves Drogba Tébily wamamaye mu mupira w’amaguru, yacyeje intambwe u Rwanda rumaze gutera mu rugendo rwo kongera kwiyubaka nyuma ya Jenoside yakorewe Abatutsi yarusize iheruheru.

Patoranking ubwo yari ageze ku Rwibutso rwa Jenoside yakorewe Abatutsi ku Gisozi
Didier Drogba na Patoranking ubwo bahuriraga ku Rwibutso rwa Jenoside rwa Gisozi
Patoranking asinya mu gitabo cy'abashyitsi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza