00:00:00 IGIHE NETWORK KN KINYARWANDA EN ENGLISH FR FRANCAIS

Patient Bizimana yahishuye byinshi ku rugendo amaranyemo iminsi n’umugore we i Burayi (Video)

Yanditswe na Nsengiyumva Emmy
Kuya 4 August 2022 saa 01:56
Yasuwe :

Patient Bizimana uri kubarizwa i Burayi yahishuye ko uretse ibitaramo binyuranye ari kuhakorera, yerekeje kuri uyu mugabane agiye mu biruhuko n’umugore we.

Patient Bizimana ahamya ko ari ubwa mbere akoreye urugendo i Burayi rukamubana rwiza cyane kuko ari n’inshuro ye ya mbere atemberanyeyo n’umugore we.

Ibi Patient Bizimana yabigarutseho mu kiganiro cyihariye yagiranye na IGIHE ubwo twamusangaga mu Bubiligi aho ari kuba mbere yo gukomeza ibitaramo arimo.

Ati “Naje inaha harimo twa gahunda twinshi; ikiruhuko n’umugore, ubukwe twagombaga gutaha, ibitaramo binyuranye no gusura inshuti ariko icyari gikomeye ni ibiruhuko twajemo.”

Icyakora nubwo amaze iminsi mu biruhuko, Patient Bizimana avuga ko ibitaramo yakoreye i Burayi nubwo bigikomeje byamwigishije byinshi binamwereka ko ubutumwa yatanze mu bihangano bwageze kure.

Patient Bizimana yararikiye abakunzi be indirimbo ye nshya iri ku mushinga w’indirimbo zirenga 15 agiye gutangira gusohora.

Ati “Mfite umushinga w’indirimbo ngiye gusohora, kugeza umwaka utaha. Ni indirimbo nakoreye mu Ishusho Ltd ziri kuri album yanjye nshya. Kuzisohora byo urumva ko bizantwara hagati y’umwaka umwe n’ibiri.”

Ku ikubitiro Patient Bizimana yavuze ko agiye gusohora indirimbo yise ‘Umuriro wo kuramya’ igomba gusohokana n’amashusho ikajya hanze mu minsi mike ishoboka.

Patient Bizimana yararikiye abakunzi be indirimbo zirenga 15 agiye gusohora
Patient Bizimana yagize umwanya wo gutaramira abakunzi be
Patient Bizimana yahishuye ko ari ubwa mbere aryohewe n'ibiruhuko kuko ari ubwa mbere abikoranye n'umugore we
Uretse ibiruhuko barimo, Patient Bizimana n'umugore we batashye ubukwe bw'inshuti zabo ndetse banaboneraho gusura abantu banyuranye
Patient Bizimana ari kumwe na Ambasaderi Diane Gashumba

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .