00:00:00 IGIHE NETWORK KN KINYARWANDA EN ENGLISH FR FRANCAIS

Papy Kyle witabiriye irushanwa rya Mr Rwanda yasohoye Album y’indirimbo zihimbaza Imana

Yanditswe na Nsengiyumva Emmy
Kuya 3 Mutarama 2023 saa 05:23
Yasuwe :

Bushayija Blaise (Papy Kyle) wari mu basore bahataniraga irushanwa rya Mr Rwanda ryabaye ariko ntirirangire, yasohoye album y’indirimbo zirindwi yise ‘Rirasohoye’.

Ni album yari amaze imyaka itatu akoraho nk’uko yabibwiye IGIHE nyuma yo kuyishyira hanze.

Mu kiganiro twagiranye nyuma yo gushyira hanze iyi album, Papy Kyle watangiye umuziki mu myaka itatu ishize ariko akaza gusa n’uhita abivuyemo, yavuze ko yabanje kujya kwiga ibijyanye no gukora ndetse no gutunganya indirimbo.

Ati “Nyuma yo gusohora indirimbo ya mbere n’iya kabiri nakoze umwaka ushize, nahise njya kwiga umuziki by’umwihariko nihugura ku gukora no gutunganya indirimbo.”

Uyu musore kugeza ubu ni we uri kwitunganyiriza indirimbo abinyujije muri studio ye bwite yise ‘Holy Land Records’ iyi ikaba ari nayo akoramo.

Uretse kuririmba no kuba yaritabiriye irushanwa rya Mr Rwanda, Papy Kyle yatangiye kwinjira mu muziki ajya mu mashusho y’abandi bahanzi, aho azwi mu mashusho y’iyitwa ‘Najyahe’ ya Tonny Unique.

Papy Kyle witabiriye irushanwa rya Mr Rwanda yasohoye Album y’indirimbo za Gospel
Papy Kyle yasohoye album ye ya mbere igizwe n'indirimbo zirindwi zo kuramya no guhimbaza Imana

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .