Omah Lay uri mu bahanzi bagezweho muri Nigeria yafungiwe muri Uganda

Yanditswe na Uwiduhaye Theos
Kuya 14 Ukuboza 2020 saa 05:31
Yasuwe :
0 0

Umuhanzi w’Umunya-Nigeria Stanley Omah Didia umaze kwamamara nka Omah Lay, yafungiwe muri Uganda azizwa kudakurikiza amabwiriza ya COVID-19.

Omah yanditse kuri Twitter agaragaza ko afungiwe muri Uganda ari kumwe na mugenzi we Temilade Openiyi [Tems].

Polisi ya Uganda yatangaje ko yafunze uyu muhanzi nyuma yo kutubahiriza amabwiriza yo kwirinda Coronavirus.

Umuvugizi wa Polisi mu Mujyi wa Kampala, SP Patrick Onyango, yavuze ko bafunze abantu batatu mu ijoro ryashize kubera igitaramo cyabaye kuri iki Cyumweru tariki 13 Ukuboza 2020 cyabereye ahitwa Ddungu Resort i Munyonyo mu Mujyi wa Kampala.

Omah yagiye muri Uganda kuhakorera igitaramo cyabaye ku wa 12 Ukuboza 2019. Polisi yavuze ko abateguye iki gitaramo barenze ku mabwiriza, kuko bari bavuze ko barakoresha igikorwa kirahuza abantu bake, bakaza guca ruhinga nyuma bagatumira abahanzi.

Abafashwe bafungiwe kuri Sitasiyo ya Polisi ya Katwe aho bakurikiranyweho icyaha cyo guhonyora amabwiriza yo kwirinda icyorezo cya COVID-19 ndetse bari gukora ibikorwa byatuma ikwirakwira mu bantu.

Ku mbuga nkoranyambaga hatangijwe ubukangurambaga bw’abanya-Nigeria bashaka ko umuhanzi wabo afungurwa. Ubu bukangurambaba babwise #FreeOmahLay.

Omah Lay wavutse mu 1997 ni umwe mu bahanzi bagezweho muri Nigeria. Uyu musore yatangiye kumenyakana muri Werurwe uyu mwaka biturutse ku ndirimbo ye yitwa yitwa ‘You’. Nyuma akora izindi zitandukanye zirimo ‘Lo Lo’, ‘Damn’ n’izindi nyinshi.

Omah Lay afungiye muri Uganda nyuma yo kuhakorera igitaramo
Omah Lay ni umwe mu bahanzi bagezweho muri Nigeria

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .