00:00:00 IGIHE NETWORK KN KINYARWANDA EN ENGLISH FR FRANCAIS

Oda Paccy yubuye umuzika asohora EP yise ‘No Comment’

Yanditswe na Nsengiyumva Emmy
Kuya 5 Ukuboza 2022 saa 02:38
Yasuwe :

Oda Paccy wari umaze imyaka ibiri ahugiye mu masomo yongeye kubura iby’umuziki asohora ‘EP’ ye nshya yise ‘No comment’ igizwe n’indirimbo enye.

Ni ‘EP’ uyu muhanzikazi yari amaze igihe akozeho afashijwe n’aba Producers barimo Junior Multisystem, DJ Lil wamenyekanye nka Rudoviko, X on the beat, Bob pro n’abandi.

Oda Paccy mu kiganiro na IGIHE yavuze ko anyuzwe no gusubukura ibikorwa by’umuziki nyuma y’igihe kinini.

Ati “Nari maze igihe mpugiye mu masomo, ariko ubu asa n’aho yamaze kujya ku ruhande. Ubu amaso nyahanze umuziki kuko nagarutse mu buryo bweruye.”

Uyu muhanzikazi yavuze ko mu gusubukura umuziki, yahisemo gusubira mu njyana ya Hip Hop yamumenyekanishije.

Mu ndirimbo ziri kuri EP ye nshya, imwe yonyine ni yo yakoranye n’undi muhanzi. Ni iyo yahuriyemo na Sintex yitwa Daddy Mandela.

Uyu muhanzikazi yavuze ko EP ye nshya ari intangiriro z’umushinga munini afite mu muziki.

Uyu muhanzikazi ni umwe mu bitegura guhabwa impamyabumenyi y’icyiciro cya kabiri cya Kaminuza muri UTB.

Ni icyiciro uyu muhanzikazi arangije nyuma y’imyaka hafi 10 asubitse amasomo.

Mu 2013 nibwo Oda Paccy yahagaritse amasomo mu gihe yari asigaje umwaka umwe ngo arangize kwiga kaminuza, aza gusubukura mu mwaka ushize.

Oda Paccy umaze gushyira ku ruhande ibijyanye n'amasomo, ubu umutima we wose yawushyize ku muziki
Oda Paccy yijeje abakunzi be ko batazigera bicwa n'irungu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .