Oda Paccy arifuza gushinga urugo uyu mwaka nubwo nta mukunzi arabona

Yanditswe na Nsengiyumva Emmy
Kuya 18 Gashyantare 2020 saa 06:45
Yasuwe :
0 0

Umuhanzi Oda Paccy yavuze ko uyu mwaka yifuza ko washira ashinze urugo nubwo nta mukunzi arabona.

Uyu muhanzikazi uzwi cyane mu njyana ya Hip Hop yari yarijeje abakunzi be ko umwaka wa 2020 uzamusiga arushinze, icyakora ngo iyi gahunda iracyamugoye kuko kugeza ubu atarabona umusore bakundana.

Aganira na IGIHE yagize ati “Mutegereze amezi aracyahari. Nta musore dukundana ariko nizeye ko nzamubona ntabwo ndi umukobwa mubi cyane ku buryo nabura umugabo.”

Oda Paccy yahamije ko nta mukunzi afite ariko ko bitarenze muri Kamena 2020 agomba kuzaba amufite.

Abajijwe umusore yumva yakwemera aramutse amwegereye, uyu muhanzikazi yagize ati” Umusore usenga ukunda Imana, akunda akazi yiyubaha. Sinkunda umusore wambara iby’aba-star cyane, inzobe cyangwa igikara byose birashoboka utananutse ariko kandi ansumba.”

Oda Paccy yavuze ko ibijyanye n’imitungo ari ibyo bashobora gushaka aho gukunda umusore kuko afite ubutunzi, kuko we yizera ko hari igihe waba ubifite bitewe n’igihe bikagenda cyangwa waba utabifite mu gihe runaka bikazaza.

Ati”Byaba byiza umwaka wa 2020 unsize ntari ingaragu. Ntekereza ko bibaye uyu mwaka byaba sawa ariko bitanabaye ubuzima ntibwahagarara.”

Oda Paccy kugeza ubu ni umuyobozi wa Ladies Empire, kompanyi irimo studio anabarizwamo nk’umuhanzi we na Alto.

Ikiganiro na Oda Paccy utifuza ko umwaka wa 2020 umusiga ari ingaragu

Oda Paccy ntabwo yifuza ko umwaka wa 2020 umusiga ari ingaragu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .