Lanie washyize ku ruhande amasomo ya muzika yasohoye indirimbo ye ya mbere "Akazi kose"

Yanditswe na Nsengiyumva Emmy
Kuya 19 Ugushyingo 2020 saa 08:05
Yasuwe :
0 0

Umuhanzikazi Mutoni Lanie wari umaze imyaka ibiri yiga mu Ishuri rya Muzika rya Nyundo nubwo atararangiza neza amasomo yasohoye indirimbo ye ya mbere yise "Akazi kose."

Indirimbo ya mbere ya Lanie yayise "Akazi kose", yayikoze nyuma yo kuva ku ishuri avuga ko asa naho ariyo ahereyeho urugendo rwe mu muziki.

Avuga ko nubwo mbere yo kujya kwiga yakoraga umuziki ariko byari mu buryo butari ubw’umwuga.

Yagize ati "Igihe namaze ku ishuri nahigiye byinshi, ni igihe cyo kwereka abantu ibyo nize.”

Mu byo avuga ko yungukiye ku ishuri Lanie, harimo guhogoza ndetse no gucuranga ibikoresho bitandukanye bya muzika.

Mbere gato y’uko icyorezo cya COVID-19 kigera mu Rwanda ngo amashuri afungwe, amakuru yavaga ku Ishuri rya Muzika rya Nyundo riri i Muhanga yavugaga ko umuhanzikazi Lanie bamubuze atarangije amasomo ye.

Uyu mukobwa mu kiganiro yagiranye na IGIHE mu minsi ishize yavuze ko impamvu yahagaritse amasomo ari ibibazo yahuye nabyo n’ubu bitarakemuka.

Ati ”Nagize ikibazo kintunguye, ariko kitari icyo kubwira buri wese, bituma ntabasha gusubirayo. Icyorezo cya COVID-19 cyaje ndi kwitegura gusubira ku ishuri ariko nyine ntabwo byakunze.”

Lanie yavuze ko n’ubu atarasubira ku ishuri ariko ari kubiteganya mu minsi iri imbere, aho ateganya kwegera ubuyobozi akabusobanurira ibibazo yahuye nabyo agasaba gusubira kwiga akarangiza amashuri.

Indirimbo nshya y’uyu muhanzikazi yakozwe na Bob Pro, ifite iminota ibiri n’amasegonda 59.

Mutoni Lanie yinjiye mu muziki mu mwaka wa 2016, aza gusubika mu 2018 ubwo yari agiye kuwiga, yavuze ko nubwo yitegura gusubira ku ishuri ariko bitazamubuza gukomeza gukora n’umuziki.

Lanie nubwo atararangiza amasomo ku Nyundo avuga ko yamaze gushyira ku ruhande ibyari bigoye
Lanie yasohoye indirimbo nshya yise "Akazi kose"

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .