Massamba Intore uherutse gukora igitaramo 30/40 y’Ubutore, yabwiye IGIHE ko ibitaramo agiye gukorera muri Canada ntaho bihuriye n’icyo yakoreye mu Mujyi wa Kigali cyo kwizihiza umwaka amaze mu muziki.

Uyu muhanzi byitezwe ko azahaguruka i Kigali ku wa 10 Nzeri 2024, ategerejwe mu gitaramo kizabera i Edmonton ku wa 14 Nzeri 2024 aho azaba ataramana n’abarimo Alpha Rwirangira.

Nyuma y’iki gitaramo Massamba Intore azahita yerekeza i Toronto aho azataramira ku wa 21 Nzeri 2024.

Massamba Intore ni umwe mu bahanzi bamaze igihe mu muziki w’u Rwanda, by’umwihariko akaba impirimbanyi y’umuziki gakondo cyane ko uretse kuwukora anawutoza abato kuri we.

Kuri ubu Massamba Intore ni umutoza mu Itorero ry’Igihugu Urukerereza.

Ibitaramo bya Massamba Intore muri Canada bizatangirira i Edmonton

Nyuma ya Edmonton, Massamba azataramira i Toronto