Ubwo yari muri Nigeria mu Mujyi wa Lagos ahitwa Palms, John Legend yataramanye n’abarimo Simi ndetse na DJ Consequence.

Uyu muhanzi abaye uwa kabiri ukomeye utumiwe mu bitaramo bya ‘Move Afrika’, nyuma ya Kendrick Lamar.

Iki gitaramo cya John Legend kiba ku bufatanye bw’Umuryango mpuzamahanga uvuganira abaturage, ugamije kurandura ubukene, Global Citizen; ubinyujije muri gahunda ya Move Afrika.

Global Citizen ihuza muzika na politiki kugira ngo hakorwe ubukangurambaga bushingiye ku bikorwa, ibirori byerekanwa imbonankubone ku Isi hose, inama z’abayobozi, n’ibindi kugira ngo bikemure ibibazo byihutirwa byugarije ikiremwamuntu.

Ubwo aheruka i Kigali ku wa 21 Gashyantare 2025, John Legend yahakoreye igitaramo gikomeye cyitabiriwe n’abarenga ibihumbi umunani mu gihe yahuriye ku rubyiniro n’abarimo Bwiza ndetse na DJ Toxxyk.

DJ Consequence niwe wasusurukije abakunzi b'umuziki i Lagos

Simi niwe muhanzikazi wo muri Nigeria wahuriye mu gitaramo na John Legend

John Legend yaserutse mu myenda yadodewe n'abanyamideli bo muri Nigeria

Abaririmbyi ba John Legend bari baberewe mu myenda yo muri Nigeria

John Legend yishimiye gutaramira i Lagos

Simi yasanze ku rubyiniro John Legend basubiranamo indirimbo Refuge

John Legend anyuzamo akanacuranga Piano