Ni igitaramo cyitabiriwe n’abarimo abanyeshuri n’abaturage bo mu Ntara y’Amajyepfo biganjemo abo mu Karere ka Huye bagaragazaga urukumbuzi bari bafitiye iri torero.

Umwe mu bayobozi b’iri torero, Rodrigue Rusagara, yabwiye IGIHE ko iki gitaramo kiri mu mujyo w’ibindi byinshi bifuza kujya bakorera muri iyi Kaminuza yashingiwemo Inyamibwa.

Rusagara yijeje ibitaramo bizenguruka no mu zindi kaminuza nubwo atavuze igihe bizatangirira.

Igitaramo ‘Inka’ bakoreye i Huye cyari gikurikiye icyo bakoreye mu Mujyi wa Kigali muri Camp Kigali ku wa 15 Werurwe 2025.

Itorero Inyamibwa ryavukiye muri Kaminuza y’u Rwanda ishami rya Huye mu 1998, rishingwa n’abanyeshuri bari bahuriye mu muryango w’abarokotse Jenoside yakorewe Abatutsi ‘AERG’.

Ryari itorero bashinze mu rwego rwo kujya ribafasha kubona uburyo bwo kwidagadura bityo bakirinda kwigunga, icyakora uko imyaka yagiye yigira imbere ryarakomeye birangira uyu munsi ribarizwa mu matorero akomeye mu Rwanda.

Mu 2017, iri torero ryimukiye mu Mujyi wa Kigali, aho rikorera kugeza uyu munsi.

’Igitaramo Inka’, Itorero Inyamibwa ryateguye, kigamije kongera gukundisha abantu inka, kubibutsa umuco wo kugabirana ndetse n’isano umuntu afitanye n’inka.

Mu kugitegura, abagize iri torero bavugaga ko biyemeje kugira imwe mu miryango bazagabira ndetse bakazanatangiza ubukangurambaga bwo kugabirana, kuri ubu nyuma y’ibi bitaramo bakaba bahamya ko bagiye kwicara bakareba uko babikora neza.

Nziza Francis yatangiye asusurutsa abakunzi b'umuziki w'inanga nyarwanda

Igitaramo cyatangijwe n'umurishyo w'abakaraza bo mu Itorero Inyamibwa

Ababyinnyi b'Itorero Inyamibwa batanze ibyishimo i Huye

Inyubako ya 'Grand Auditorium' yari yakubise yuzuye

Miss Teta Nicole ni umwe mu babyinnyi b'Itorero Inyamibwa

Abitabiriye iki gitaramo banyuzwe n'imbyino z'Itorero Inyamibwa

Abatari baherutse kubona Itorero i Nyamibwa bari bishimiye kongera kuribonera aho ryashingiwe

Byari ibyishimo ku bitabiriye iki gitaramo, by'umwihariko abazi iri torero ritangira bongeye kuribona ryarakuze

Ubwitabire bwari hejuru muri iki gitaramo cyasojwe benshi bahagurutse bacinya akadiho

Amafoto: Cyubahiro Key