00:00:00 IGIHE NETWORK KN KINYARWANDA EN ENGLISH FR FRANCAIS

Producer Holybeat wimukiye muri Canada yibarutse imfura

Yanditswe na Nsengiyumva Emmy
Kuya 5 Mutarama 2022 saa 10:50
Yasuwe :

Producer Holybeat n’umugore we bamaze iminsi mike bimukiye muri Canada, bibarutse umwana wabo w’imfura.

Uyu mwana w’umuhungu yavukiye mu bitaro bya Burnaby biherereye mu Mujyi wa Vancouver.

Abinyujije ku rukuta rwe rwa Instagram, Holybeat yagize ati “Urakoze kungira umusore unezerewe ku Isi Annette Tahan, urakaza neza mu Isi muhungu wanjye.”

Mu minsi ya nyuma y’umwaka ushize, ni bwo Shyaka Olivier wamamaye ku izina rya Holybeat n’umugore we berekeje i Vancouver muri Canada aho bagiye gutura.

Uyu mugabo yabwiye IGIHE ko akiri kwiyubaka, ariko ibintu nibigenda neza mu minsi ya vuba azaba amaze gutunganya studio ye agatangira gukorana n’abahanzi batandukanye.

Holybeat abajijwe niba hari abo azi ateganya gutangira gukorana nabo, yavuze ko bahari kandi benshi, ati “Safi Madiba ni urugero rwiza, twarahuye kuko aho atuye ni nk’iminota 30 uvuye iwanjye, mu minsi mike ndaba ntangiye gukora imiziki.”

Holybeat yerekeje muri Canada nyuma y’amezi make akoze ubukwe n’umugore w’Umunya-Israel, Annette Antoinette Tahan. Basezeranye muri Gicurasi 2021.

Mbere yo kwerekeza muri The Mane Music yari asigaye akoramo hano mu Rwanda, Holybeat yagiye akora muri studio zitandukanye ndetse akorana n’abahanzi bafite amazina mu muziki w’u Rwanda.

Holybeat yimukiye muri Canada aho agiye gukomereza akazi ke

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .