Ni ibitaramo byatangiye ku wa 24 Kamena 2022 bisozwa ku wa 26 Kamena 2022, buri gace muri utu tubiri kakaba karabereyemo ibitaramo bibiri.

Abahanzi bari batoranyijwe bagabanyijwemo amatsinda abiri, bamwe boherezwa gutaramira i Rugende ku wa 24 Kamena 2022, mu gihe abandi bari i Nyamirambo. Aya matsinda yaje guhinduranya kuri uyu wa 26 Kamena 2022.

Ibi byatumye mu ijoro ryo ku wa 26 Kamena 2022 abahanzi barimo Abdoul Makanyaga, Mani Martin, Senderi Hit, Mico The Best, Bwiza, Chris Eazy, Nsengiyumva uzwi nka Igisupusupu, Ariel Wayz na Platini bisanga i Rugende mu gitaramo cyayobowe na Anita Pendo afatanyije na Phil Peter.

Iki gitaramo cyanacuranzemo DJ Brianne na DJ Bissoso, basusurukije abakunzi b’umuziki bari bakoraniye ku kibuga cy’umupira w’amaguru cya Rugende.

Aba bari i Rugende mu gihe i Nyamirambo ho byari ibicika mu gitaramo cyayobowe na MC Buryohe afatanyije na Bianca, mu gihe DJ Ira ari we wavangaga imiziki muri iki gitaramo.

Ni igitaramo cyagaragayemo abahanzi nka Riderman, Juno Kizigenza, Kenny Sol, Okkama, Alyn Sano, B Threy, Bushali na Rafiki Coga.

Ibi bitaramo byiswe ’People’s concerts’ byari bigamije gususurutsa abanyamujyi, mu gihe u Rwanda rwakiraga inama y’abakuru b’ibihugu na za Guverinoma bigize umuryango wa Commonwealth, CHOGM.

Nyamirambo basoreje CHOGM mu birori

Mucoma ntiyabura ahantu nk'aha

Bianca na MC Buryohe nibo bari bayoboye igitaramo cy'i Nyamirambo

Alyn Sano ni uku yaserutse

I Nyamirambo byari ibicika abafana bari mu bicu

Impala zongeye gushimangira ko zavukiye i Nyamirambo zihatumura ivumbi

DJ Ira yabyinishije abakunzi b'umuziki karahava

Nyamirambo abafana bari bakubise buzuye

Riderman yongeye gushimangira ko ari mu baraperi b'ibihe byose mu Rwanda

B Threy na Bushali bashimishije abakunzi ba Hip Hop i Nyamirambo

Kenny Sol ni uku yaserutse imbere y'abakunzi be i Nyamirambo

Juno Kizigenza yongeye gushimisha abakunzi b'umuziki we i Nyamirambo

Rafiki yongeye gushimangira ubukaka bwe mu muziki w'u Rwanda

Nubwo akiri mushya mu muziki, Okkama ni umwe mu bahanzi bakunzwe

I Rugende naho byari ibicika

Makanyaga Abdoul yongeye kugaragariza i Rugende ko ari mu bahanzi bakanyujijeho bakunzwe

Nsengiyumva François 'Gisupusupu' ni uku yaserutse

Mani Martin yasusurukije abakunzi b'umuziki i Rugende

Senderi Hit yongeye kugaragaza ko ari mu bahanzi bafite abakunzi benshi

DJ Bissoso, DJ Brianne na Phil Peter nibo basusurutsaga abakunzi b'umuziki

Ndandambara wamenyekanye kubera iyi ndirimbo yanitiriwe yataramiye i Rugende

DJ Brianne ari gushyushya abantu i Rugende

Bwiza uri mu bahanzi bashya mu muziki w'u Rwanda amaze kwigarurira imitima ya benshi

Anita Pendo na DJ Phil Peter bashimiye Bwiza akazi ari gukora mu muziki

Chris Eazy yongeye kugaragaza ko ari mu bahanzi bagezweho mu Rwanda

I Rugende byari ibicika

Mico The Best yagaragaje ko akunzwe n'abakunzi b'umuziki i Rugende

Ariel Wayz yashimishije abakunzi be i Rugende

Platini yashimishije abakunzi be agera aho yikura n'imyenda