00:00:00 IGIHE NETWORK KN KINYARWANDA EN ENGLISH FR FRANCAIS

Niba ushaka abana kuri Melodie araguha aba ’fake’! Davis D yageneye ubutumwa Harmonize

Yanditswe na Nsengiyumva Emmy
Kuya 22 Mutarama 2023 saa 04:28
Yasuwe :

Davis D umenyereweho kutaripfana muri iyi minsi, akibona ko Harmonize ari i Kigali yahise amugenera ubutumwa amwibutsa ko ari gushakira abakobwa aho batari, kuko Bruce Melodie yisunze ntacyo amumarira.

Ni ubutumwa uyu musore yahaye uyu muhanzi abinyujije kuri Instagram, ahamya ko Harmonize iyo agera i Kigali ashaka abakobwa beza ari we yari kunyuraho cyane ko byamuhamye ko ari ’umwami w’abana’.

Mu butumwa burebure yanditse, yagize ati "Bro (Harmonize) niba ushaka abana kuri Bruce Melodie ntabo uri bubone, araguha aba fake gusa."

Uyu muhanzi yakomeje yibutsa Harmonize ko niba ashaka abana beza ari we yakabaye yanyuzeho, ati "Ni gute ubariza aho ibintu bitari, niba ushaka abana bazima ngwino umbaze ariko kandi nkwibutse ko abanyarwandakazi badakorwaho."

Aya magambo yumvikana nk’ayo kwishongora kuri Bruce Melodie, Davis D yayasangije abamukurikira binyuze ku rubuga rwe rwa Instagram.

Ni amagambo Davis D yanditse agendeye ku byo Harmonize yari yasangije abamukurikira akigera i Kigali.

Akigera i Kigali, Harmonize yagaragaje ko u Rwanda ari igihugu giteye ishema, gifite abakobwa beza, ingagi ndetse kinarangwa n’isuku.

Davis D yageneye ubutumwa Harmonize amwibutsa ko nta mukobwa mwiza Bruce Melodie ari bumuhe mu gihe undi we yagaragaje ko kimwe mu byifuzo bye ari ukuzashaka umunyarwandakazi
Harmonize yageze i Kigali yakirwa na Bruce Melodie wari kumwe n'itsinda ry'abasanzwe bamufasha mu muziki

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .