Ibi Bwiza yabigarutseho mu kiganiro yagiranye na IGIHE.

Ati “Na mbere bakubwiraga ko Goma haba ubujura ndetse ari ahantu hadasa neza, nibazaga rero ko ubu havuyemo intambara byasubiye irudubi. Gusa icyantunguye ni uko nasanze ari ahantu hatekanye kandi hari isuku nyinshi.”

Uyu mukobwa yavuze ko icyemezo cyo gusura Goma yagifashe kubera amatsiko yari ahafitiye.

Ati “Nari nagiye i Rubavu, abantu twari kumwe bakomeza kumbwira ukuntu hameze ngira amatsiko. Nyuma twiyemeje kujyayo ngira umwanya wo gutembera mu duce dutandukanye nihera ijisho.”

Muri Mutarama 2025 nibwo umutwe wa M23 wigaruriye Umujyi wa Goma. Kuva icyo gihe kugeza uyu munsi niwo uwuyobora ndetse unawucungira umutekano.

Bwiza yatunguwe n'uburyo Umujyi wa Goma ufite isuku n'umutekano

Aha Bwiza yari muri Serena Hotel ishami rya Goma, yumva akayaga gaturuka mu kiyaga cya Kivu