Aya masakoshi akoze mu ruhu rw’inka ndetse n’imbaho Karegeya yavuze ko ayakora afatanyije na sosiyete yitwa ‘Togwoods’ isanzwe ikora amasakoshi.

Mu kiganiro yagiranye na IGIHE, Karegeya yavuze ko aya masakoshi ari igitekerezo yagize nyuma y’uko benshi mu bashyitsi basura Bigogwe iyo bahageze bamusaba urwibutso bacyura akabura icyo abaha ariho hashibutse icyo gitekerezo.

Ati “Ngira abashyitsi benshi baza bakifuza urwibutso batahana bahagera bakabura icyo bacyura, aha niho hashibutse igitekerezo cyo gukora amasakoshi nasanishije n’inka, ikindi ni uko akoze mu ruhu n’igiti kandi nabonye yarakunzwe n’abatari bake mu bayabonye mbere.”

Karegeya yavuze ko aya masakoshi kuri ubu ari kugurishirizwa mu Bigogwe icyakora ahamya ko mu minsi ya vuba aba yagejejwe ku isoko ahantu hatandukanye.

Mu 2023 nibwo Guverinoma y’u Rwanda yafashe icyemezo cyo guha ubutaka buri mu mutungo bwite wa Leta, ikigo Ibere rya Bigogwe Tourism Company Ltd, kimaze kwamamara mu guteza imbere ubukerarugendo bushingiye ku nka.

Ni icyemezo cyafashwe n’Inama y’Abaminisitiri yateranye kuri uyu wa Mbere tariki 30 Mutarama mu 2023, iyobowe na Perezida Paul Kagame.

Ngabo yahanze amasakoshi yasanishije n'inka mu rwego rwo kugira ngo abasura Bigogwe bajye babona urwibutso rwo gutahana

Aya masakoshi yitwa amazina afite aho ahuriye n'inka

Nyinshi muri izi sakoshi zikoze mu ruhu rw'inka n'imbaho

Hari amasakoshi ikoze mu isura y'umutwe w'inka

Ngabo Karegeya yakoze impano z'abasura Bigogwe