Aba bombi babyaye umwana w’umuhungu nk’uko People yabitangarijwe n’umuvugizi wabo. Ngo uyu mwana bamwise Kareem Kenkaide Hayes. Ni we wa mbere wa Ashanti mu gihe kuri Nelly ari uwa gatanu.
Byatangiye guhwihwiswa ko Ashanti yaba atwitiye Nelly mu mpeshyi y’umwaka ushize, nyuma y’igitaramo Nelly yari afite. Mu Ukuboza baje kurushinga mu ibanga.
Aba bombi bigeze gukundana mu 2003 nyuma y’aho bari bahuriye mu kiganiro n’itangazamakuru cyagarukaga kuri Grammys Awards yagombaga kuba uwo mwaka. Mu 2013 baje gutandukana buri wese aca inzira ye.
Bongeye kugagaragaza ko bubuye umubano wabo nyuma y’ijoro ry’ibirori byatangiwemo ibihembo bya VMAs, aho Ashanti yitabiriye ibi birori mu rwego rwo gushyigikira Nelly.
Muri ibi birori Ashanti yari yitwaje agasakoshi ko mu ntoki abakobwa n’abagore bakunze kwitwaza kariho ifoto y’aba bombi.
TANGA IGITEKEREZO
AMATEGEKO AGENGA IYANDIKA RY'IGITEKEREZO CYAWE
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni, Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe. Ibi bidakurikijwe igitekerezo cyanyu gishobora kutagaragara hano cyangwa kigasibwa.
Igitekerezo cyawe kigaragara nyuma y'isuzuma rikorwa na IGIHE.com , Murakoze!