Ndashaka kukwibutsa ko wanyigaruriye! Umutoma Shaddyboo yateye umuhanzi Shaffy ku munsi we w’amavuko

Yanditswe na Nsengiyumva Emmy
Kuya 7 Mutarama 2021 saa 10:08
Yasuwe :
0 0

Ku itariki 6 Mutarama 2021, ubwo umuhanzi Shaffy usanzwe utuye muri Leta Zunze Ubumwe za Amerika yizihizaga isabukuru y’amavuko, Shaddyboo bamaze igihe bivugwa ko bakundana yongeye guca amarenga y’uru rukundo.

Abinyujije ku rukuta rwe rwa Instagram, Shaddyboo yifurije uyu musore isabukuru nziza yifashishije amagambo y’urukundo.

Yagize ati “Ndashaka kukubwira ikintu mu by’ukuri gitangaje kandi kikwibutsa wanyigaruriye, isabukuru nziza n’imigisha myinshi.”

Shaffy wamenyekanye mu ndirimbo nka Akabanga, Sukuma, Worth it n’izindi amaze igihe avugwa mu nkuru z’urukundo na Shaddyboo.

Yaba Shaddyboo cyangwa uyu muhanzi mu biganiro binyuranye na IGIHE, birinze kwemera cyangwa guhakana amakuru y’urukundo rwabo.

Bakunze kumvikana bahamya ko ari inshuti zikomeye ariko byagera ku rukundo bakaryumaho.

Abajijwe iby’urukundo rwabo, uyu musore yirinze kugira byinshi avuga kuko mu magambo magufi, yagize ati "Shaddyboo ni inshuti yanjye, turi inshuti."

Mbabazi Shadia wamamaye nka Shaddyboo ni umwe mu bakurikirwa cyane ku mbuga nkoranyambaga. Uyu mugore w’ikizungerezi ukundwa na benshi ndetse unakurikirwa n’umubare munini ku mbuga nkoranyambaga cyane ko ari nazo zimutunze, yinjiye mu bucuruzi bw’ibiryo yise “Love on plate”.

Shaffy nubwo aterura ngo ahamye ko akundana na Shaddyboo ariko nanone ntabihakana
Shaffy ni umuhanzi w'Umunyarwanda ukorera umuziki muri Leta Zunze Ubumwe za Amerika
Shaddyboo yifuriza isabukuru nziza Shaffy, yamwibukije ko yamwigaruriye
Shaddyboo na we ntajya yemera cyangwa ngo ahakane amakuru y'urukundo rwe na Shaffy

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .