Mwiseneza Josiane wabaye Nyampinga ukunzwe muri Miss Rwanda 2019 yambitswe impeta

Yanditswe na Nsengiyumva Emmy
Kuya 15 Kanama 2020 saa 06:36
Yasuwe :
0 0

Mwiseneza Josiane wamenyekanye cyane mu itangazamakuru ubwo yitabiraga irushanwa rya Miss Rwanda 2019, yambitswe impeta y’urukundo n’umusore wamusabye ko barushinga.

Amafoto yagiye hanze agaragaza uyu mukobwa afite indabyo ndetse anambaye impeta, hari amakuru avuga ko kumwambika impeta byahujwe n’ibirori byo kwizihiza isabukuru y’amavuko yabaye kuri uyu wa 15 Kanama 2020.

Twifuje kumenya byinshi ku makuru yavugwaga ko uyu mukobwa yambitswe impeta, icyakora ku murongo wa telefone akimara kumenya ko ahamagawe n’umunyamakuru yahise avuga ko ahuze.

Ati”Munyihanganire ndahuze.”

Nta makuru menshi aramenyekana ku musore wambitse impeta Mwiseneza Josiane.

Uyu mukobwa yamenyekanye cyane ubwo yahataniraga itike yo guhagararira intara y’Uburengerazuba mu irushanwa rya Miss Rwanda 2019.

Abanyamakuru babonye umukobwa utandukanye n’abanyamujyi bari bitabiriye iri jonjora, si ukuganira na we bivayo. Nguko uko yaje kuba icyamamare, Abanyarwanda bishimira icyizere uyu mukobwa uvuka mu karere ka Karongi yari yigiriye.

Iki gikundiro yarakigumanye kugeza mu irushanwa maze si ukumuhundagazaho amajwi bivayo bituma yegukana ikamba rya Nyampinga ukunzwe cyane mu mwaka wa 2019.

Mu bakobwa 37 bagombaga kuvamo 20 berekeza muri ’Boot camp’, Josiane yatambutse yemye hashingiwe ku majwi yagize mu bamutoye kuri ’SMS’.

Ku munsi wa nyuma w’irushanwa yahawe ikamba ry’umukobwa wakunzwe (Miss Popularity) mu irushanwa rya Miss Rwanda 2019.

Byari ibyishimo kuri Mwiseneza Josiane
Umusore amaze kumwambika impeta bahoberanye
Umusore amwambika impeta
Aha Josiane yaherezaga umukunzi we icyo kunywa nyuma yo kwambikwa impeta
Bamwe mu nshuti za Josiane bari baje kumushyigikira

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .