Muvunyi Tania yatoranyijwe guhagararira u Rwanda muri Miss Africa Calabar 2019: Uko wamutora

Yanditswe na Nsengiyumva Emmy
Kuya 7 Ukuboza 2019 saa 12:04
Yasuwe :
0 0

Muvunyi Tania yatoranyijwe guhagararira u Rwanda muri Miss Africa Calabar 2019 irushanwa ry’ubwiza ribera muri Nigeria rigiye kuba ku nshuro yaryo ya kane.

Muvunyi Tania yamenyekanye cyane muri Miss Rwanda ubwo yiyamamarizaga guhagararira Umujyi wa Kigali ntabashe kubona amahirwe akifatira ku gahanga abari bagize akanama nkemurampaka abashinja kumurenganya.

Aya marushanwa abera muri Nigeria agiye kuba ku nshuro ya kane byitezwe ko kuri iyi nshuro azahuza abakobwa 30 baturuka mu bihugu binyuranye bya Afurika.

Muvunyi Tania uzaba ahagarariye u Rwanda muri aya marushanwa yasabye abanyarwanda kumutora kugira ngo abashe kuba yakwegukana ikamba.

Amatora akaba yatangiye binyuze ku rubuga rw’iri rushanwa aho umuntu ari kujyaho agahita ahabwa amafoto y’abahatana agahitamo uwo atora bitewe n’amahitamo ye.

Iri rushanwa ribera muri “Cross River State” imwe muri Leta zigize igihugu cya Nigeria biteganyijwe ko ikamba rizatangwa tariki 27 Ukuboza 2019.

Muvunyi Tania yitabiriye iri rushanwa asimburayo Irebe Natacha wari uhagarariye u Rwanda mu mwaka wa 2018 agataha nta gihembo ahawe.

Dorcas Kasinde wo muri RDC niwe wegukanye ikamba mu 2018 ahabwa ibihembo bikomeye birimo sheki y’amadolari ibihumbi 30 hamwe n’imodoka nshya yo mu bwoko bwa SUV Jeep yatanzwe na Guverineri wa Leta ya Cross River.

Reba uko watora Uwase Muvunyi Tania uhagarariye u Rwanda

Uwase Muvunyi Tania ugiye guhagararira u Rwanda muri Miss Africa Calabar
Uwase Muvunyi Tania ari mu bakobwa 30 bahatanira iri kamba
Uwase Muvunyi Tania aherutse kuvugwa mu rukundo na Rwabugiri Omar umuzamu wa APR FC

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza