Iyi album Clemy yayimurikiye mu gitaramo cyabaye mu ijoro ryo ku wa 23 Ukuboza 2022 mu kabari ka Danny Vumbi kitwa ’Afro Bistro’, mu birori yahuriyemo na Maylo, Ben Adolphe na Yampano bafatanyaga n’abanyarwenya Mitsutsu na Dogiteri Nsabii.

Iyi album ikubiyeho indirimbo zirimo Umwana yakoranye na Maylo, Nzaguha, Daima, Uburyohe yakoranye na Fireman, Nje na Tamu yamaze gusohora kimwe n’izindi zinyuranye atarashyira hanze.

Uyu mukobwa amaze imyaka ibiri atangiye urugendo rwo kwikorana umuziki, yamenyekanye mu itsinda rya C&J yari ahuriyemo na Jamie, aba bakaba baramamaye cyane i Musanze.

Mushimiyimana Janvière [Jamie] na Umuhire Clémentine [Clemy] bihurije hamwe bakora itsinda bise C&J, rimaze imyaka irenga icumi mu muziki rikorera mu Karere ka Musanze mu Majyaruguru y’u Rwanda.

Aba bahanzikazi bavukana ku babyeyi bombi, mu 2009 ni bwo binjiye mu muziki batangira kuririmbana nk’itsinda.

C&J bamenyekanye mu myaka ishize ubwo bakoraga indirimbo zitandukanye zanakunzwe, zirimo n’izo bakoranye n’abahanzi b’ibyamamare nka "Nibeshejeho" bakoranye na Miss Jojo & Liza Kamikazi, "Byina" bakoranye na K8 Kavuyo & NPC ndetse na "Kamere" bakoranye na Mani Martin.

Hari hateguwe aho abitabira iki gitaramo bafatira amafoto

Abanya-Musanze bitabiriye ku bwinshi igitaramo cya Clemy

Ben Adolphe nawe yitabiriye ubutumire bwa Clemy

Yampano yiyeretse abakunzi be b'i Musanze

Maylo wanakoranye na Clemy indirimbo yitiriwe album yari yaje kumushyigikira

Clemy ari mu bahanzi bahagaze neza mu Majyaruguru by'umwihariko mu Mujyi wa Musanze

Abakunzi b'uyu mukobwa bari bakereye kumushyigikira

Byari ibyishimo kuri Clemy wari umuritse album ye ya mbere

Abanyarwenya Mitsutsu na Nsabii basusurukije abitabiriye iki gitaramo

Daymaker (DM) ni umwe mu baririmbye muri iki gitaramo cyo kumurika album ya mbere ya Clemy

Clemy n'Umujyanama we Ngabo Alaphat

Umuhanzi Vex Prince n'Umujyanama we Producer Mandex Beats ni bamwe mu bitabiriye iki gitaramo