Mugisha Lionel, impano itangaje ivuka mu muryango wa Munyanshoza na Miss Shannel

Yanditswe na Uwiduhaye Theos
Kuya 16 Ukwakira 2019 saa 06:51
Yasuwe :
0 0

Mugisha Lionel uri mu bagaragaje impano ikomeye mu irushanwa rya ‘ I am the future’ yabonyemo umwanya wa kabiri, ari mu bahanzi bo guhangwa amaso mu minsi iri imbere.

Uyu musore yavukiye mu karere ka Kicukiro ahitwa i Gikondo ni umwana wa Gatandatu mu bana umunani.

Yegukanye miliyoni zirindwi z’amafaranga y’u Rwanda nyuma yo kuba uwa kabiri mu irushanwa rya ‘I am The Future’ ritegurwa na Future Music ya David Pro, aho yari ahatanye n’abanyempano batandukanye bakomeye mu Rwanda, irushanwa rikegukanwa na Marie France Gusenga.

Kuva yakwegukana umwanya wa kabiri muri iri rushanwa, amaze gushyira hanze indirimbo ebyiri zirimo ‘Mad Love’ na ‘Feeling’.

Iyi ndirimbo nshya yavuze ko yayihimbye ashingiye ku nkuru y’urukundo hagati y’umuhungu n’umukobwa, ariko cyane cyane igaragaza umusore watwawe n’uburanga bw’umukobwa.

Avuga ko Future Music yasinyemo amaze kwegukana umwanya wa kabiri muri I’m The Future, yamubereye ikiraro ndetse ikaba iri kugenda imufasha mu buryo bukomeye igatuma akora ibihangano biri ku rwego rwiza.

Uyu musore yakuriye muri Korali, agenda abwirwa n’abumvaga ubuhanga bwe ko yavamo umuhanzi mwiza kandi akaba igihangange ahitamo gutangira urugendo rw’umuziki gutyo.

Mu muryango wo kwa nyina avuga ko havukamo abanyempano bakomeye mu Rwanda barimo Munyanshoza Dieudonne wamamaye mu ndirimbo z’urukundo n’izindi zijyanye no kwibuka jenoside yakorewe abatutsi ndetse na Nirere Shannel [Miss Shannel].

Mugisha Lionel yiga umuziki mu ishuri rya muzika rya Nyundo Afite imyaka 18 y’amavuko, arangije mu wa kabiri mu ishuri ry’umuziki.

The Future Music iyobowe na Producer David uyu muhanzi yasinyemo, ni inzu yazamuye abahanzi batandukanye bakomeye mu Rwanda nka Alpha Rwirangira, Peace Jolis, Patrick Nyamitari n’abandi.

Iyi nzu itunganya amajwi, ndetse n’indirimbo zose z’uyu muhanzi niho zakorewe.

Reba indirimbo nshya ya Lionel yise ‘Feeling’

Uyu musore avuka mu muryango umwe n'abahanzi barimo Munyanshoza na Nirere Shannel

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza