00:00:00 IGIHE NETWORK KN KINYARWANDA EN ENGLISH FR FRANCAIS

Mugabekazi yatashye amara masa muri Miss Africa Calabar2022

Yanditswe na Nsengiyumva Emmy
Kuya 28 Ukuboza 2022 saa 11:32
Yasuwe :

Mugabekazi Ngoga Anaise wari uhagarariye u Rwanda mu irushanwa rya Miss Africa Calabar 2022, yatashye uko yagiye mu gihe ikamba bahataniraga ryegukanywe n’umukobwa wari uhagarariye Nigeria.

Mugabekazi wari uhagarariye u Rwanda kandi, ntiyabashije kwinjira mu icumi ba mbere.

Ni ikamba ryatanzwe mu ijoro ryo ku wa 27 Ukuboza 2022 ryegukanwa na Precious O.Okoye wari uhagarariye igihugu cya Nigeria cyari cyanakiriye iri rushanwa.

Uwegukanye ikamba ry’igisonga cya mbere yabaye Poelano Mothisi wari uhagarariye Lesotho mu gihe ikamba ry’Igisonga cya kabiri ryo ryegukanywe na Tina Haimbala wari uhagarariye Namibia.

Mugabekazi yitabiriye irushanwa rya Miss Rwanda mu 2022.

Miss Africa Calabar ni irushanwa rihuza abakobwa batandukanye baturuka mu bihugu bya Afurika ribera muri Leta ya Cross River yo muri Nigeria ari nayo iritegura.

Ryatangiye mu 2016, rikaba rimaze kwitabirwa n’abanyarwandakazi barimo Uwihirwe Yasipi Casmir waryitabiriye mu 2020. Ryaje gusubikwa mu 2021 bitewe n’icyorezo cya Covid-19.

Ubusanzwe umukobwa wegukanye ikamba ahabwa 25.000$, ni ukuvuga arenga gato miliyoni 25 Frw n’imodoka nshya.

Mugabekazi wari uhagarariye u Rwanda muri Miss Africa Calabar2022 yatahiye aho
Precious O.Okoye wari uhagarariye igihugu cya Nigeria ni we wegukanye ikamba rya Miss Calabar Africa
Ikamba ry’Igisonga cya kabiri ryo ryegukanywe na Tina Haimbala wari uhagarariye Namibia
Uwegukanye ikamba ry’igisonga cya mbere yabaye Poelano Mothisi wari uhagarariye Lesotho

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .