00:00:00 IGIHE NETWORK KN KINYARWANDA EN ENGLISH FR FRANCAIS

Mu ndirimbo ye nshya, Nel Ngabo yiyambaje Igisonga cya Miss Rwanda2022

Yanditswe na Nsengiyumva Emmy
Kuya 21 May 2022 saa 04:32
Yasuwe :

Mu ndirimbo ye nshya, Nel Ngabo yifashishije Kayumba Darina wabaye Igisonga cya kabiri mu irushanwa rya Miss Rwanda kimwe n’abandi bantu bafite amazina mu myidagaduro y’u Rwanda.

Uretse Miss Kayumba, Nel Ngabo yifashishije abandi barimo; Knowless, Platini, Iradukunda Bertrand rutahizamu w’Ikipe y’Igihugu Amavubi, Sabine Mutabazi witabiriye Miss Rwanda, OG The General n’abandi benshi.

Mu kiganiro na IGIHE abajijwe impamvu yahisemo kwiyambaza aba mu ndirimbo ye, yagize ati “Icya mbere cyo ni inshuti zanjye, bakunda umuziki wanjye kandi baranatwika.Navuga ko cyari igitekerezo cyaje kuko ari indirimbo y’abantu bari mu bihe byiza, yaba mu birori basa neza mbese ni indirimbo yo kwishima.”

Iyi ndirimbo nshya ya Nel Ngabo ibaye iya mbere asohoye itari kuri album ye ya kabiri RNB360.

Mu buryo bw’amashusho iyi ndirimbo yakozwe na God umaze iminsi akorana na KINA Music, mu gihe Ishimwe Clement usanzwe atunganya indirimbo muri iyi nzu ifasha abahanzi ari nawe wayikoze mu buryo bw’amajwi.

Nel Ngabo ni umwe mu bahanzi batamaze igihe mu muziki w’u Rwanda ariko bamaze gukuza izina rye mu mitima ya benshi mu bakurikiranira hafi umuziki w’u Rwanda.

Uyu musore uherutse gusohora album ye ya kabiri, muri rusange mu myaka itatu gusa amaze gushyira hanze indirimbo zirenga 25 zirimo izamenyekanye cyane nka; Nzahinduka, Zoli, Solo, Mutuale yakoranye na Bruce Melodie n’izindi nyinshi.

Nel Ngabo ni umwe mu bahanzi bataranmiye abitabiriye ibirori byo gutora Miss Rwanda 2022
Kayumba Darina wabaye Igisonga cya kabiri muri Miss Rwanda yiyambajwe mu ndirimbo ya Nel Ngabo
Igisonga cya kabiri muri Miss Rwanda, Kayumba Darina na Sabine Mutabazi bari bahataniye iri kamba ni inshuti z'akadasohoka no mu buzima busanzwe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .