Amakuru IGIHE ifite ni uko igitekerezo cyari uguhura na bamwe mu bahanzi bakaganira na John Legend ku iterambere ry’uruganda rwa muzika mu Rwanda ndetse bakagira n’umwanya wo gusabana.

Mu bari bamenyeshejwe ko bari ku rutonde rw’abagombaga kwitabira iki gikorwa ndetse banateguriwe amatike yo kwinjiriraho mu gitaramo, batatu nibo babonetse.

John Legend yagombaga guhura n’abahanzi bo mu Rwanda i Saa mbili z’ijoro zuzuye, mbere y’uko ajya ku rubyiniro.

Iyo saha yageze abahanzi babashije kuhagera ari Nel Ngabo, Juno Kizigenza na Angell Mutoni biyongeraho Ishimwe Clement, Umuyobozi wa KINA Music wagombaga n’ubundi guherekeza umuhanzi we.

Hari abandi bane babashije kugera muri BK Arena bakererewe basanga iki gikorwa cyarangiye mu gihe abandi icumi bo batigeze banahagera.

Mbere yo kujya ku rubyiniro, John Legend yagize umwanya wo kuganira na bamwe mu bahanzi b'Abanyarwanda

Juno Kizigenza, Nel Ngabo, Angell Mutoni na Ishimwe Clement babashije kuboneka bafatanye ifoto na John Legend