MTV Africa Music Awards (MAMA) imaze imyaka ine itaba igiye gusubukurirwa muri Uganda

Yanditswe na Nsengiyumva Emmy
Kuya 25 Ugushyingo 2020 saa 10:27
Yasuwe :
0 0

Ubuyobozi bwa MTV Africa Music Awards bwatangaje ko umwaka utaha 2021 ibirori byo guhemba abahanzi bahize abandi muri Afurika bizabera i Kampala muri Uganda.

Ibi bihembo byatangiye mu mwaka wa 2008, ni ubwa kabiri bigiye kubera mu Karere ka Afurika y’Iburasirazuba kuko mu 2009 byabereye muri Kenya.

Kimwe no mu 2008 ubwo byatangiraga gutangwa, no mu 2010 byatangiwe muri Nigeria, mu mijyi ya Abuja na Lagos.

Ibi bihembo byaje guhagarara bimara imyaka itatu bidatangwa, byongera kugaruka mu mwaka wa 2014 mu Mujyi wa Durban ho muri Afurika y’Epfo kimwe n’ibyatanzwe mu 2015.

Mu 2016 ibi bihembo byatangiwe muri Afurika y’Epfo icyakora hahindurwa umujyi byatangiwemo noneho bijyanwa i Johannesburg.

Guhera mu 2017 kugeza uyu mwaka, ibi bihembo ntabwo byongeye gutangwa ukundi.

Nyuma y’imyaka ine ibi bihembo bidatangwa, ubuyobozi bwa Viacom International Media Network Africa ibitegura bwatangaje ko bizatangirwa muri Uganda tariki 20 Gashyantare 2021.

Nta mpamvu iyo ariyo yose yatangajwe yatumye ibi bihembo bishyirwa muri Uganda.

Ibyiciro ubusanzwe bitangwamo ibihembo muri MTV Afrima Music Awards ni Artist of the Year, Best Male, Best Female, Best New Act, Best Group, Best Live Act, Best Francophone, Best Lusophone, Best Pop/Alternative, Best Hip Hop, Best International, Legend Award, Best Collaboration in association with Absolut, Video of the Year, Song of the Year, Artist of the Year, Personality of the Year, MTV Base Africa Re-Imagined Award.

Ibi bihembo byitabirwa n'abahanzi bakomeye muri Afurika
MTV Africa Music Awards ni ibirori biba bikomeye mu muziki

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .