Uyu muhanzi w’imyaka 31 ufatanya umuziki n’ibindi bikorwa by’ubushabitsi avuga ko yaguze iyi migabane agendeye ku byakozwe n’umuraperi Jay-Z wigeze kugura imigabane mu ikipe ya Brooklyn Nets ikina shampiyona ya NBA.

Yanditse agira ati "Nasomye ko Jay -Z yaguze imigabane mu ikipe ya Basketball ya Brooklyn Nets, nagirango rero nanjye nkore nk’ibyo umuntu mfatiraho icyitegerezo akora.”

“ Nishimiye kubamenyesha ko ubu ndi umunyamigabane wa Cape Town Tigers, ikipe nziza ya Basketball muri Afurika! duhure ku mukino utaha! Nishimiye kuba umwe mu bagize umuryango.”

Mu 2003 Jay Z yaguze imigabane muri Brooklyn Nets nubwo yayigurishije mu 2013 nyuma yo gufungura icyo yise Rock Nation Sports.

Mr Eazi si ubwa mbere ashoye imari muri siporo dore ko mu 2022 ikigo cye cy’imikino y’amahirwe BetPawa cyasiye amasezerano y’imyaka itatu gishora imari ya miliyoni 6$ muri shampiyona y’Icyiciro cya Mbere mu Mupira w’Amaguru muri Ghana azajya atangwa buri mwaka.

Iyi sosiyete ya BetPawa ikorera mu bihugu bitandukanye byo muri Afurika birimo n’u Rwanda.

Mr Eazi asanzwe akora ibikorwa bitandukaye birimo ibifasha abahanzi bakiri bato nka emPawa, Banku Music, Zagadat Capital ndetse na PawaPay.

Cape Town Tigers, ibarizwa mu gace ka Gugulethu mu Mujyi wa Cape Town, yashinzwe mu 2019.

Iyi kipe yatwaye igikombe cya mbere cya shampiyona mu 2021 yongera ku gitwara mu 2022 ikaba yaraserukiye igihugu mu mikino ya Basketball Africa League (BAL).

Mr Eazi akomeje kwagura ibikorwa bye mu bijyanye n'ubushabitsi

Cape Town Tigers iherutse guserukira igihugu mu mikino ya BAL-2022

Mr Eazi ufatira icyitegererezo kuri Jay Z yaguze imigabane mu ikipe ya Cape Town Tigers

Mr Eazi yashoye miliyoni 6$ za buri mwaka muri shampiyona y'icyiciro cya mbere mu mupira w'amaguru muri Ghana