00:00:00 IGIHE NETWORK KN KINYARWANDA EN ENGLISH FR FRANCAIS

Mister Rwanda 2022: Cyusa yanikiye abandi mu majwi

Yanditswe na Nsengiyumva Emmy
Kuya 30 April 2022 saa 02:52
Yasuwe :

Mu gihe hasigaye amasaha mbarwa kugira ngo amatora ya Mr Rwanda abe asubitswe, Cyusa Muhunde Yannick ni we uyoboye abandi n’amajwi 30.265 y’abamaze kumutora.

Ni urugendo rwo gushakisha abasore binjira mu mwiherero, bamenyekana mu birori bibera muri Kigali Serena Hotel ku mugoroba wo kuri uyu wa 30 Mata 2022.

Mu basore bari mu irushanwa rya Mr Rwanda, batatu ba mbere mu majwi barahita babona itike ibemerera gukomeza mu irushanwa, batanyuze mu bindi bizamini nka bagenzi babo.

Cyusa Muhunde Yannick ni we uyoboye abandi n’amajwi 30.265 mu gihe akurikiwe na Ngabo Jules Maurice ufite 24.608, naho uwa gatatu ni Nyirihirwe Hartman Kelly n’amajwi 22279.

Uyu mwanya wa gatatu wari usanzweho Alex Mbaraga uzwi nka Junior wo mu Itsinda Juda Muzik, wahise ajya ku mwanya wa kane n’amajwi 18623.

Ubu abasore 77 nibo bari mu irushanwa ryo gushaka umusore uhiga abandi mu Rwanda mu 2022.

Uyu munsi haratoranywa 18 bajya mu mwiherero, barimo batatu bakomeza mu irushanwa hashingiwe ku majwi y’ababatoye.

Kwinjira mu birori byo kubatoranya ni 5000Frw mu myanya isanzwe na 10.000 Frw mu myanya y’icyubahiro.

Ni ibirori biza gucurangamo DJ Ira na DJ Tuner, bigataramamo abahanzi bamenyerewe nk’Ibihame by’Imana.

Ni amatora ari gukorerwa kuri IGIHE ukanze hano https://votes.igihe.com/mister/ cyangwa ugakanda *544*1*kode y’uwo utora#.

Junior wo muri Juda Muzik akomeje kwanikirwa mu majwi
DJ Ira ni umwe mu bari bususurutse abitabira ibi birori

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .