Miss Vanessa wataye impeta y’urukundo, yahakanye amakuru yashyiraga ubukwe bwe mu minsi ya vuba

Yanditswe na Nsengiyumva Emmy
Kuya 22 Ukuboza 2020 saa 10:45
Yasuwe :
0 0

Miss Uwase Raïssa Vanessa wabaye Igisonga cya mbere cya Miss Rwanda mu 2015, yahakanye amakuru yashyiraga ubukwe bwe n’umuherwe Putin Kabalu mu ntangiriro za 2021.

Mu masaha ashize mu bitangazamakuru bitandukanye byo mu Rwanda hadutse inkuru zivuga ko Miss Vanessa yaba agiye gukora ubukwe n’umuherwe Putin Kabalu ndetse ko buzaba muri Mutarama 2021.

Miss Vanessa uherereye muri Tanzania aho yagiye gusura umukunzi we, yabwiye IGIHE ko nta bukwe afite ndetse ko ayo makuru yatangajwe ari ibihuha.

Ati "Nta gahunda ndapanga y’ubukwe. Ndacyari mu bindi ntakinyihutisha, ni njya gukora ubukwe abo nshaka ko babimenya bazabimenya.”

Usibye guhakana iby’ubukwe, Miss Vanessa amaze iminsi atambara n’impeta yambitswe n’umukunzi we. Yatangaje ko iyi mpeta yayobewe aho yayitaye.

Mu ijoro ryo kuri uyu wa Mbere rishyira ku wa Kabiri ubwo yaganiraga n’abakunzi be yifashishije Instagram yagize ati ati "Nayiburiye muri Tanzania, namaze iminsi myinshi mu nzu ntayambaye ngiye gusohoka ndayibura. Ntegereje indi nzahabwa mu minsi ya vuba.”

Muri Nzeri 2019 nibwo Miss Vanessa yambitswe impeta n’umukunzi we Putin Kabalu.

Miss Uwase Vanessa yavuze ko nta kintu cyatuma akora ubukwe huti huti
Miss Vanessa yahakanye amakuru yashyiraga ubukwe bwe mu ntangiriro za 2021
Umwaka urashize Putin Kabalu yambitse impeta Miss Vanessa
Ku mbuga nkoranyambaga, Miss Vanessa na Putin Kabalu bakunze kugaragaza amarangamutima yabo
Impeta Miss Vanessa yambitswe avuga ko yayibuze, icyakora ngo ategereje indi umukunzi we azamuha

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .