Miss Uwihirwe yagizwe ambasaderi w’ubukerarugendo wa Leta ya Cross River muri Nigeria

Yanditswe na Uwiduhaye Theos
Kuya 3 Mutarama 2021 saa 09:35
Yasuwe :
0 0

Uwihirwe Yasipi Casmir wari uhagarariye u Rwanda muri Miss Africa Calabar 2020, ntabashe kwegukana ikamba ariko akaba uwahize abandi mu bijyanye n’imyitozo ngororamubiri ‘Sports Princess’ yagizwe ambasaderi wa Cross River State yabeyemo iri rushanwa yari yitabiriye.

Uyu mukobwa wanabaye igisonga cya mbere cya Miss Rwanda 2019, azafatanya na mugenzi we Jasinta Makwabe wari uhagarariye Tanzania muri iri rushanwa aho bazaba ba Ambasaderi ba Leta ya Cross River mu rwego rwo guteza imbere ubukerarugendo bwaho.

Umunya-Tunisia witwa Sarra Sellimi niwe wegukanye ikamba rya Miss Africa Calabar ahigitse abakobwa 19 bari bahanganye barimo na Uwihirwe Yasipi Casmir wari uhagarariye u Rwanda.

Ni mu birori byabaye kuwa Gatatu tariki 30 Ukuboza 2020 muri Nigeria, aho iri rushanwa risanzwe ribera mu Mujyi wa Calabar muri Leta ya Cross River. Byari byitabiriwe n’abantu bake abandi babikurikirana bifashishije internet.

Mu bari bitabiriye ibi birori harimo na Ben Ayade uyobora iyi Leta irushanwa riberamo n’abandi banyacyubahiro bo muri ako gace.

Mu bakobwa 20 habanje gutorwamo 12 ba mbere bari barimo na Uwihirwe Yasipi Casmir wari uhagarariye u Rwanda, aza kuza no muri batanu ba mbere. Muri aba batanu yari ahanganye n’umukobwa wo muri Tunisia, Namibia, Nigeria ndetse na Tanzania.

Nyuma yo kunyura imbere y’akanama nkemurampaka, Sarra Sellimi wo muri Tunisia yegukanye iri kamba mu gihe Igisonga cya Mbere cyabaye Umunya-Nigeria, Ndah Gift naho Umunya-Namibia Julita Kitwe Mbangula akaba Igisonga cya Kabiri.

Iri rushanwa ribera muri “Cross River State” imwe muri Leta zigize Nigeria, mu Mujyi wa Calabar. Mu mwaka ushize ryegukanywe na Irene Ng’endo Mukii wari uhagarariye Kenya. Umukobwa uryegukana ahabwa 35000$ (agera kuri miliyoni 34 Frw) n’imodoka nshya yo mu bwoko bwa Ford.

Uwihirwe azafatanya na Jasinta Makwabe wari uhagarariye Tanzania muri iri rushanwa
Uwihirwe yagizwe ambasaderi w'ubukerarugendo wa Leta ya Cross River yabereyemo irushanwa rya Miss Calabar
Uwihirwe atambuka imbere y'akanama nkemurampaka
Uwihirwe wari uhagarariye u Rwanda na bagenzi be 11 bageranye mu cyiciro cya nyuma
Uwihirwe ni uwo mwambaro gakondo yaserukanye
Uyu mukobwa yahize abandi mu bijyanye n'imyitozo ngororamubiri
Yasipi yaje muri batanu ba mbere muri iri rushanwa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .