00:00:00 IGIHE NETWORK KN KINYARWANDA EN ENGLISH FR FRANCAIS

Miss Uwihirwe agiye guhuriza abana 1500 muri Stade, basangire ubunani

Yanditswe na Nsengiyumva Emmy
Kuya 21 Ukuboza 2022 saa 08:35
Yasuwe :

Uwihirwe Yasipi Casmir wabaye Igisonga cya mbere mu irushanwa rya Miss Rwanda 2019 akaza no kwitabira irushanwa rya Miss Africa Calabar mu 2020, agiye gusangira Ubunani n’abana 1500 bo mu Mujyi wa Kigali.

Ni igikorwa uyu mukobwa ateganya gukora abinyujije mu muryango yashinze ‘Yasipi Foundation’ akazafatanya n’Umujyi wa Kigali.

Mu kiganiro na IGIHE, Miss Uwihirwe yavuze ko ari igikorwa yateguye abinyujije mu muryango ‘Yasipi Foundation’ hamwe n’abafatanyabikorwa biyemeje kumutera ingabo mu bitugu.

Ati “Ku bufatanye n’Umujyi wa Kigali hamwe n’abandi bafatanyabikorwa banyemereye kudufasha, twiteguye gusangira ubunani n’abana 1500 baturuka mu Mujyi wa Kigali. Abagera kuri 500 baturuka mu miryango itifashije. Tukaba twarabateguriye impano ziganjemo ibikoresho by’ishuri.”

Uyu munsi wo gusangira uteganyijwe ku wa 31 Ukuboza 2022 kuri stade ya Kigali i Nyamirambo.

Abajijwe uko azabona abana bo gusangira nawe kuri uyu munsi, Miss Uwihirwe yavuze ko bizaturuka ku bufatanye afitanye n’Umujyi wa Kigali.

Miss Uwihirwe ubwo yitabiraga Itorero ry'Indangamirwa mu 2019
Muri iri torero ryasojwe na Perezida Kagame, Uwihirwe niwe wasobanuye amasomo y'urugamba batojwe
Miss Uwihirwe yabaye Igisonga cya mbere cya Miss Rwanda 2019
Uwihirwe yitabiriye irushanwa rya Miss Calabar Africa 2020 ariko ntiyabasha kwegukana ikamba

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .