Miss Uwase Raïssa Vanessa yinjiye mu itangazamakuru

Yanditswe na Nsengiyumva Emmy
Kuya 4 Gicurasi 2021 saa 10:21
Yasuwe :
0 0

Nyuma y’iminsi akora amahugurwa mu mwuga w’itangazamakuru, Miss Uwase Raïssa Vanessa wabaye Igisonga cya mbere cya Miss Rwanda mu 2015 yatangiye akazi kuri City Radio.

Miss Uwase wari umaze iminsi afata amahugurwa mu mwuga w’itangazamakuru, yatangiye akazi mu ntangiriro z’iki cyumweru aho ari gukora kuri City Radio buri munsi guhera saa kumi kugeza saa kumi n’ebyiri z’umugoroba.

Mu kiganiro na IGIHE, Miss Uwase yemeje amakuru agira ati “Natangiye gukora, amahugurwa nari mazemo iminsi narayarangije, ubu ndi gukora kuri City Radio nk’umunyamakuru ntabwo nkiri mu kwimenyereza cyangwa amahugurwa.”

Uyu mukobwa kugeza ubu ari gukora ikiganiro kijyanye n’imyidagaduro, ati “Ni imyidagaduro ndi gukora urabizi nibyo bintu byanjye, nifuje gukora ibintu bituma abantu bidagadura kuko biri mu byo nanjye nkunda.”

Miss Uwase abaye undi mukobwa wiyamamaje muri Miss Rwanda 2015 winjiye mu itangazamakuru nyuma ya Mutoni Balbine wakoze igihe kinini kuri Radio 10 na TV10 mbere y’uko yerekeza ku mugabane w’u Burayi aho asigaye atuye na Bagwire Keza Joannah umaze kuba ikimenyabose kuri Kiss Fm.

Miss Uwase Raïssa Vanessa yitabiriye irushanwa rya Miss Rwanda mu 2015, yegukanye ikamba ry’Igisonga cya mbere cya Miss Kundwa Doriane wegukanye ikamba uwo mwaka.

Nyuma y’iri rushanwa Miss Uwase ntiyasibaga ku mpapuro z’imbere mu binyamakuru by’imyidagaduro, yakunze kuvugwa cyane mu nkuru z’urukundo.

Yakanyujijeho mu rukundo na Olivis wo mu itsinda rya Active bamaze igihe kinini bakundana ariko baza gutandukana nabi.

Nyuma yaje gukundanaho na Tracy wo mu itsinda rya TNP, batandukanye itangazamakuru ryakunze kuvuga ko yaba yari afitanye umubano wihariye na Passy wo muri TNP.

Miss Uwase yaherukaga kuvugwa cyane mu rukundo n’umuherwe Putin Kabalu bari bariyemeje no kubana icyakora bipfa batabashije kurushinga.

Miss Uwase Raïssa Vanessa yinjiye mu mwuga w'itangazamakuru
Miss Uwase Raïssa Vanessa ni umwe mu bakobwa bakurikirwa cyane ku mbuga nkoranyambaga

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .