Miss Supranational 2021: Uwase Denyse yabaye uwa mbere mu itora ryo kuri internet

Yanditswe na Uwiduhaye Theos
Kuya 8 Mutarama 2021 saa 12:28
Yasuwe :
0 0

Uwase Denyse yegukanye umwanya wa mbere mu itora ryo kuri internet, ahigitse bagenzi 10 bose bahataniye ikamba rya Miss Supranational izabera muri Pologne uyu mwaka.

Kuwa 11 Ukuboza 2020 nibwo aba bakobwa batangiye guhatana mu itora ryo kuri internet binyuze ku rubuga rwa MNI. Amatora yasojwe Uwase Denyse ari we ufite amanota menshi ndetse ahita akatisha itike yo kugera muri batanu ba mbere bazagera mu cyiciro cya nyuma.

Gutora byasabaga kwishyura kuri kode ya Momo Pay cyangwa Visa Card amafaranga 50 Frw.

Uwase Denyse wabaye uwa mbere yagize amajwi 37 122, akurikiwe na Umuratwa Kate Anitha ufite amajwi 35 272.

Irushanwa rya Miss Supranational Rwanda 2020 ryagombaga gusozwa kuri uyu wa Gatanu tariki 08 Mutarama 2021, ariko riza gusubikwa kubera COVID-19.

Abakobwa 11 bahatanye ni Uwangabe, Shimwa Audrey witabiriye irushanwa rya Miss Geek 2019, Umuratwa Anitha witabiriye Miss Rwanda akagarukira mu 10 ba mbere, Umunyana Divine, Mushimiyimana Sandra, Uguyeneza Alia, Urusaro Ange Princess, Uwase Denyse, Umugwaneza Carine, Irene Charlene na Grace Munezero bitabiriye Miss Rwanda 2020.

Aba bakobwa 11 bamaze iminsi bari guhatana muri iri rushanwa mu byiciro bitandukanye birimo icyo kwivugaho, kuvuga ku bwiza bw’u Rwanda no kuvuga ku mushinga no kwamamaza Oppo nk’umufatanyabikorwa w’iri rushanwa.

Muri batanu bazagera mu cyiciro cya nyuma muri iri rushanwa, hazabanza gutoranywamo babiri bazaba barimo uwigaragaje neza ku mbuga nkoranyambaga [Social influencer] uzaza asanga Uwase Denyse wabaye uwa mbere mu itora ryo kuri internet.

Abandi batatu bazatoranywa hazateranywa urugendo rwose banyuzemo muri uru rushanwa, batange amanota hakurikijwe uko bitwaye.

Iri rushanwa riri gukorwa hifashishijwe TV1 ndetse n’imbuga nkoranyambaga. Abo bakobwa bakorera mu matsinda, bigatambutswa kuri televiziyo.

Akanama nkemurampaka gakurikirana irushanwa inshuro nyinshi kifashishije ikoranabuhanga, ariko rimwe na rimwe bahura n’abakobwa barimo guhatana.

Bikini ikunze kuvugisha benshi mu marushanwa y’ubwiza yakuwe mu irushanwa kubera Coronavirus. Aba bakobwa bagiye guhatanira ikamba rifitwe na Umunyana Shanitah wabaye Miss Supranational Rwanda mu 2019.

Irushanwa rya Miss Supranational International bahatanira kwitabira, ribera muri Pologne, aho abakobwa batandukanye bahurira muri iki gihugu bakamarayo ibyumweru bitatu bahatanira iri kamba.

Uwase Denise afite umushinga wo gushishikariza abakobwa kwitabira kwiga imyuga
Umuratwa Anitha wari uri mu bakobwa bitabiriye Miss Rwanda 2020 akaza mu icumi ba mbere yaje ku mwanya wa kabiri mu itora ryo kuri internet muri Miss Supranational
Iri rushanwa riri guhatanamo abakobwa 11

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .