Miss Shimwa Guelda yibarutse imfura ye na Habimana Hussein

00:00:00 IGIHE NETWORK

KINYARWANDA

ENGLISH

FRANCAIS IGIHE TV

Izigezweho

Coronavirus - Abantu 328 banduye Coronavirus mu munsi umwe, 2 yabahitanye mu Rwanda
U Rwanda - Col. Rutiganda ‘George Mazizi’ washakishwaga kubera uruhare muri Jenoside yapfuye
Amakuru - Imibare irivugira! 50 % by’abanyeshuri bakurikiye amasomo hifashishijwe radiyo na televiziyo
U Rwanda - U Rwanda rugiye kunguka Ikigo cy’Ubushakashatsi mu kubaga umuntu hifashishijwe ikoranabuhanga
U Rwanda - Uruhare rw’Abasirikare ba FAR mu mugambi wo gutegura no gushyira mu bikorwa Jenoside yakorewe Abatutsi
U Rwanda - Abana ba Kabuga bahishuye uko bamuhishe imyaka irenga 20

Miss Shimwa Guelda yibarutse imfura ye na Habimana Hussein

Yanditswe na Nsengiyumva Emmy

Kuya 10 Nzeri 2020 saa 06:08

Yasuwe :

Yavuzweho:

0 0

Miss Shimwa Guelda wegukanye ikamba rya Miss Heritage mu irushanwa rya Nyampinga w’u Rwanda mu mwaka 2017, kuri uyu wa Kane tariki 10 Nzeri 2020 yibarutse imfura ye na Habimana Hussein wahoze ari Umuyobozi wa Tekiniki mu Ishyirahamwe ry’umupira w’amaguru mu Rwanda (FERWAFA).

Saa munani z’amanywa zo kuri uyu wa Kane tariki 10 Nzeri 2020 nibwo amakuru yageze ku IGIHE ahamya ko uyu mukobwa yibarutse umwana w’umukobwa.

Uwaduhaye amakuru yahamije ko yaba umwana cyangwa umubyeyi bose bameze neza.

Aba bombi barushinze mu bukwe bwabereye muri Kigali Convention Centre kuri iki Cyumweru tariki 22 Ukuboza 2019, ibirori byabanjirijwe n’umuhango wo gusaba no gukwa wabaye ku wa 15 Ukuboza 2019.

Kuwa 29 Kamena 2019 i Nyarutarama kuri Quiet Haven Hotel habereye umuhango ukomeye mu buzima bwa Miss Shimwa Guelda kuko ari ho Habimana Hussein yamwambikiye impeta y’urukundo, nk’intangiriro y’urugendo rushya bombi biyemeje kugendana.

Shimwa yegukanye ikamba rya Nyampinga w’Umuco [Miss Heritage 2017], yabaye igisonga cya Mbere cya Miss Rwanda 2017 anegukana ikamba ry’igisonga cya Mbere mu irushanwa rya Miss High School 2015.