Miss Shimwa Guelda ugiye gukora ubukwe n’umusore ukora muri FERWAFA yakorewe Bridal Shower

Yanditswe na Uwiduhaye Theos
Kuya 9 Ukuboza 2019 saa 03:09
Yasuwe :
0 0

Shimwa Guelda wegukanye ikamba rya Miss Heritage mu irushanwa rya Nyampinga w’u Rwanda mu 2017 wari waranabaye Igisonga cya mbere cya Miss High School mu 2015, yakorewe Bridal Shower.

Shimwa yambitswe impeta n’umukunzi we nk’ikimenyetso cy’uko bitegura kurushinga mu birori byabaye ku wa 28 Kamena 2019 i Nyarutarama kuri Quiet Haven Hotel.

Icyo gihe ku mugaragaro, Habimana Hussein usanzwe ari Umuyobozi wa Tekiniki mu Ishyirahamwe ry’umupira w’amaguru mu Rwanda (FERWAFA), yahaye gasopo abandi basore batekerezaga gutereta uyu mukobwa.

Bari kumwe n’inshuti zabo, Habimana yateye ivi afata impeta, asaba Shimwa gutega ikiganza akayimwambika nk’ikimenyetso cy’uko yemera ko azamubera umugore, undi ntiyazuyaza.

Mu Ugushyingo hagiye hanze integuza y’imihango yo gusaba no gukwa uyu mukobwa izaba muri uku Kuboza, izakurikirwa n’ibindi birori birimo gusezerana mu mategeko ndetse no mu rusengero.

Ibirori byo gusaba no gukwa uyu mukobwa biteganyijwe ku wa 15 Ukuboza kuri Tedga’s Recreation Centre mu Mujyi wa Kigali. Ibijyanye n’indi mihango y’ubukwe bwe ntabwo biratangazwa.

Gusa, kuri uyu wa Gatandatu tariki 7 Ukuboza 2019 inshuti za Shimwa zamukoreye ibirori byo gusezera ku bukumi bizwi nka Bridal Shower.

Nyuma y’irushanwa rya Miss Rwanda, Shimwa ntabwo yakunze kugaragara mu bikorwa rusange ndetse ntabwo yumvikanye mu nkuru z’urukundo.

Gusa amakuru avuga ko we na Habimana bamaze igihe bakundana ndetse bajyaga bagaragara ahantu hatandukanye basohokanye.

Shimwa abaye umukobwa wa kabiri wahatanye mu irushanwa rya Miss Rwanda mu 2017 ugiye kurushinga, nyuma ya Umutoni Pamella uherutse kurushinga na Murenzi Kevin.

Shimwa Guelda yakorewe ibirori bya Bridal Shower
Ubwo Habimana yateraga ivi asaba Guelda kumubera umugore undi akabyemera adashidikanyije
Shimwa Guelda n'uyu musore bakundana bagiye gukora ubukwe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza