Ubukwe bwa Uwase Sangwa Odile na Shyaka Francis bwabimburiwe n’umuhango wo gusaba no gukwa wabereye ahitwa Juru Park i Rebero ku wa 11 Kanama 2024.

Kuri uyu wa 18 Kanama 2024 abageni basezeranye imbere y’Imana mu cyumba cy’amasengesho cyo kuri IFAK Kimihurura, mu gihe ibirori byabo bisozwa no kwakira abatumiwe bikabera ku Intare Arena.

Aba bombi bamaze imyaka itari mike bakundana, amakuru yizewe IGIHE ifite agahamya ko Uwase yitabiriye irushanwa rya Miss Rwanda asanzwe akundana na Shyaka.

Nubwo bari basanzwe bakundana ariko ibijyanye n’urukundo rwabo bakunze kubigira ibanga, kugeza muri Gashyantare 2024 ku munsi wahariwe abakundanye ubwo berekaga Isi yose ko bakundana binyuze ku mbuga nkoranyambaga.

Mu mpera za Gashyantare 2024 nibwo Shyaka yafashe icyemezo yambika impeta uyu mukobwa amusaba ko yazamubera umugore undi abyemera atazuyaje bahita bafata icyemezo cyo kuzabana akaramata.

Miss Sangwa n'umugabo we basabiwe umugisha

Ubwo Sangwa Odile yambikwaga impeta n'umugabo we

Nyuma yo kumwambika impeta yamukuyemo agatimba amwereka inshuti n'abavandimwe

Sangwa Odile nawe yambitse impeta umugabo we Shyaka

Byari ibyishimo nyuma yo guhana isezerano imbere y'Imana

Ubwo Sangwa Odile na Shyaka bakiraga amaturo

Bapfukamye barasengerwa bifurizwa kuzahirwa mu rugo rwabo

Nyuma yo gusezerana basangiye umubiri wa Kirisitu

Ubwo Sangwa Odile yasomaga kuri divayi nyuma yo guhazwa

Ibyishimo byari byose yaba kuri Sangwa Odile na Shyaka bamaze kurushinga

Ubwo Sangwa Odile yashyiraga umukono ku isezerano yari amaze kugirana na Shyaka

Bahawe icyemezo cy'isezerano ryabo

Ubwo bari basohotse mu rusegero berekeje aho bakiriye abatumiwe mu bukwe bwabo

Amafoto: Ingabire Nicole