Miss Rwanda 2021: Uwase Aline afite indoto zo gukundisha urubyiruko ubuhinzi n’ubworozi

Yanditswe na Nsengiyumva Emmy
Kuya 6 Werurwe 2021 saa 05:48
Yasuwe :
0 0

Harabura amasaha mbarwa abakobwa bahatanira ikamba rya Miss Rwanda bagatoranywamo 20 bakomeza umwiherero, 17 bo barahita basezererwa bidasubirwaho.

Uwase Aline uri mu bahatanira ikamba rya Miss Rwanda, afite umushinga wo gukangurira urubyiruko kugana ubworozi.

Ati “Mfite umushinga nshaka kugeza ku rubyiruko [...] ubworozi muri rusange bufatiye runini imibereho ya muntu n’ibimera. Nitegereje urubyiruko nsanga umwuga w’ubworozi twarawuteye umugongo [...] ngiriwe amahirwe nkaba Nyampinga w’u Rwanda nashishikariza urubyiruko kwibumbira hamwe bagakora imishinga itandukanye y’ubworozi.”

Uyu mukobwa wiyamamarije guhagararira Intara y’Amajyaruguru mu irushanwa rya Miss Rwanda, yavuze ko yari amaze igihe arikurikiranira hafi ariko atarabasha kuryitabira kuko bimwe mu byo basabaga atari abyujuje.

Ati “Nahereye kera nifuza kwitabira Miss Rwanda ariko ntibinkundire kubera ko bimwe mu byo bagenderagaho ntari mbyujuje, basabaga ko uwitabira aba afite metero 1.70 kandi ntayo nari mfite.”

Uwase yavuze ko nyuma yo kubona ko ibyamubangamiraga byavuyeho yahise yiyandikisha muri iri rushanwa.

Uwase Aline w’imyaka 22 afite nimero 33, ni umwe mu bahagarariye Intara y’Amajyaruguru mu irushanwa rya Miss Rwanda. Yaryitabiriye arangije Icyiciro cya Mbere cya Kaminuza muri Davis College Akilah Campus mu Ishami rya ‘Hospitality Management’.

Uwase Aline yiyemeje gukangurira urubyiruko kwibumbira hamwe rugakora imishinga y'ubworozi
Uwase Aline ni nimero 33 mu irushanwa rya Miss Rwanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .