00:00:00 IGIHE NETWORK KN KINYARWANDA EN ENGLISH FR FRANCAIS

Miss Nishimwe Naomie yagaragaje umusore wamutwaye umutima

Yanditswe na Nsengiyumva Emmy
Kuya 22 April 2022 saa 09:27
Yasuwe :

Miss Nishimwe Naomie ari mu rukundo n’umusore witwa Michael Tesfay, banaherutse kugaragara bari kumwe mu birori byo gutanga ikamba rya Miss Rwanda mu 2022.

Abinyujije ku rukuta rwe rwa Instagram, Miss Nishimwe yasangije abamukurikira ifoto y’uyu musore ashyiraho akamenyetso k’umutima ubusanzwe gakoreshwa n’abakundana.

Amakuru IGIHE ifite ni uko uyu musore amaze igihe akundana na Miss Nishimwe ndetse kenshi bakunze kugaragara bari kumwe ahantu hatandukanye.

Michael Tesfay ukundana na Nishimwe ni umusore ufite Masters mu bijyanye n’ubuvuzi. Yize muri Kaminuza ya Edinburgh mu Bwongereza ariko muri iki gihe asigaye aba mu Rwanda.

Afite imishinga itandukanye ijyanye n’ubuzima irimo n’uwo afatanya na Miss Akaliza Amanda ujyanye no kwita ku buzima bwo mu mutwe hifashishijwe ikoranabuhanga.

Mu minsi ishize, uyu musore yakoraga muri Kaminuza y’u Rwanda nk’uwimenyereza umwuga. Yahakoze mu gihe cy’amezi ane mu 2018.

Si kenshi Miss Nishimwe yakunze kugaragaza ubuzima bwe bw’urukundo ariko muri iyi minsi ari kuganzwa n’amaragamutima.

Miss Nishimwe yegukanye ikamba rya Miss Rwanda mu 2020. Ubu we n’abavandimwe be bafunguye inzu ihanga imideli bise Zöi.

Aha bombi bari bari kwitegura kujya mu birori bya Miss Rwanda mu 2022
Miss Nishimwe Naomie n'umusore bakundana

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .