Miss Nishimwe Naomie agiye gukorana na Rwanda Foam muri Tour du Rwanda

Yanditswe na Nsengiyumva Emmy
Kuya 1 Gicurasi 2021 saa 01:04
Yasuwe :
0 0

Miss Nishimwe Naomie wabaye Nyampinga w’u Rwanda mu mwaka wa 2020, yahawe akazi ko kwamamaza ibicuruzwa bya Rwanda Foam, uruganda rukora rukanacuruza matelas ziri mu zikunzwe mu gihugu.

Ni akazi Miss Nishimwe Naomie yahawe ko gukorana n’uru ruganda mu gihe cya Tour du Rwanda y’uyu mwaka.

Umuyobozi Ushinzwe Ubucuruzi muri Rwanda Foam, Karekezi Christian, yabwiye IGIHE ko bahisemo gukorana n’uyu mukobwa nk’umuntu ukurikirwa cyane ku mbuga nkoranyambaga, ibi byiyongeraho ko abantu batazabasha gukurikirana irushanwa ku mihanda, bagasanga azabafasha mu kumenyekanisha ibikorwa byabo.

Ati “Dufitanye amasezerano yo gukorana muri Tour du Rwanda, azadufasha kwamamaza ku mbuga nkoranyambaga. Muri iki gihe nta baturage bazaba bari ku mihanda twasanze yadufasha cyane mu kumenyekanisha iri rushanwa n’ibicuruzwa byacu.”

Karekezi yavuze ko bahisemo Miss Nishimwe Naomie nk’umukobwa wegukanye ikamba rya Miss Rwanda umwaka ushize, by’umwihariko akaba umwe mu bakurikirwa cyane ku mbuga nkoranyambaga.

Miss Nishimwe Naomie agiye gukorana na Rwanda Foam nyuma y’uko umwaka ushize bari bakoranye na Shaddyboo wari kumwe na Jay Polly.

Rwanda Foam imaze imyaka 38 ifasha Abanyarwanda koroherwa no kubona aho kurambika umusaya, itanga ibicuruzwa birimo matela n’imisego biramba kandi bihendutse.

Rwanda Foam yatangiye gukorana na Tour du Rwanda mu 2016, kuva ubwo kugeza ubu ntijya ibura muri iri rushanwa.

Miss Nishimwe Naomie agiye gukorana na Rwanda Foam muri Tour du Rwanda
Miss Nishimwe yatoranyijwe gukorana na Rwanda Foam nk'umwe mu bakobwa b'ibyamamare
Umwaka ushize Rwanda Foam yari yakoranye na Shaddyboo afatanyije na Jay Polly
Umwaka ushize Rwanda Foam yari mu baterankunga b'irushanwa rya Tour du Rwanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .