00:00:00 IGIHE NETWORK KN KINYARWANDA EN ENGLISH FR FRANCAIS

Miss Nimwiza Meghan yatandukanye n’abategura irushanwa rya Miss Rwanda

Yanditswe na Uwiduhaye Theos
Kuya 19 April 2022 saa 03:31
Yasuwe :

Miss Nimwiza Meghan yatandukanye n’abategura irushanwa rya Miss Rwanda. Itangazo ryashyizwe ku rubuga rwa Miss Rwanda kuri uyu wa Kabiri, rigaragaza ko Nimwiza atakiri umwe mu bayobozi ba Miss Rwanda Organization.

Rigira riti “Turashaka gutangariza abantu ko Miss Nimwiza Meghan yavuye muri Miss Rwanda Organization. Turamushimira cyane umuhate yakoranye ubwo yari umuyobozi ushinzwe itumanaho. Turamwifuriza guhirwa mu bindi azajyamo mu minsi iri imbere.”

Muri iri tangazo ntabwo higeze hatangazwa icyatumye Miss Nimwiza Meghan atandukana n’abategura irushanwa rya Miss Rwanda binyuze muri sosiyete ya Miss Rwanda Organization.

Gusa, hari amakuru IGIHE yamenye avuga ko Nimwiza yabonye akandi kazi mu ruganda rwa sima rwa Prime Cement Limited aho azaba umwe mu bashinzwe iyamamazabikorwa, akaba yahisemo kuba ari ko yajyamo ariko akazakomeza gukurikiranira hafi ibya Miss Rwanda.Uyumwanya yari asanganywe ugiye guhatanirwa mu minsi iri imbere hashakwa
uwamusimbura.

Nimwiza wambitswe ikamba rya Miss Rwanda 2019 yari yahawe umwanya w’umuvugizi wa Miss Rwanda Organization guhera mu 2021. Ni umwe mu bakobwa bari bahawe akazi muri iri rushanwa nyuma yo kwambikwa amakamba barimo Iradukunda Elsa ndetse Iradukunda Liliane.

Miss Nimwiza Meghan yatandukanye n'abategura irushanwa rya Miss Rwanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .